Dr.Eduard Skufi, Oftalmolog Konsulent, Athinë
Covid-19 me ‘mutacionet e papritura’, si virus me ‘preferenca të veçanta’ dhe aq shumë ‘inteligjent ” po aq sa intrigues dhe makabre në një ekuacion me shumë të panjohura , kërkon vëmendje të vecante dhe hetim perfekt epidemiologjik .
Syri ashtu si mukozat e tjera është i ekspozuar dhe i pa mbrojtur ndaj këtij ‘virusi enigmë’. Duhet të jeni mjaft të kujdesshëm sepse syri është ‘portal i fshehtë’, një dritare delikate transparente për Covid dhe viruse të tjera, e cila mund të bëhet shkak që virusi mund të transmetohet edhe përmes syve .
SARS-CoV-2 është i aftë të shkaktojë implikime diverse të syrit siç është konjunktiviti viral shpesh bilateral,( në formën klasike ose në formën e kemozës apo mikro hemorragjive), por jo në stadin e parë të sëmundjes, pra mund të konfirmojë ‘pozitivitetin e preekzistencës së virusit’. Evidentohet se deri në 3 përqind të njerëzve me COVID-19 zhvillojnë simptoma ofthalmologjike si konjunktiviti akut bilateral rreth dy javë pas fillimit të sëmundjes . Karakteristikat e tablose okulare, prania e ARN virale dhe dinamika virale e SARS-CoV-2 konfirmohen nga ekzemplarët konjunktival analitike .
Por, duhet të keni parasysh se është manifestuar dhe një formë tjetër e implikimit okular ‘më pak dramatike në preludin e saj por tepër dramatike në prognozë’, forma interne e ashtuquajtura: Covid Retinopati që karakterizohet me humbjen e transparencës së shikimit apo me prezencën e alteracioneve të shikimit në formën e deformimit të figurave, me shfaqjen e njollave të lëvizshme multiforme apo flash, ku neglizhenca do të kishte pasoja serioze. Në këto raste kontaktimi sa më i shpejtë me mjekun oftalmolog përbën emergjencë.
Kujdes të veçantë duhet të kenë pacientët me patologji pre-existuese okulare apo me disregulacione vaskulare .
Mbrojtja e syve tuaj nga spërklat gjatë të folurit dhe kollitjes nga njerëz të ndryshëm mund të ndihmojnë në zvogëlimin e shanseve tuaja për kontaktimin me koronavirusin . Eleminoni fërkimin e syve, veçanërisht në publik dhe me duar të papastërta, mos e neglizhoni!
Nëse keni konjunktivit nga COVID-19, mund të infektoni të tjerët me SARS-CoV-2 kur prekni sytë dhe pastaj prekni njerëzit ose sipërfaqet pa larë ose dezinfektuar duart tuaja. Evitoni prekjen e fytyrës, veçanërisht të mukozave .
Kaloni nga përdorimi i lenteve të kontaktit në alternativën e syzeve protektive . Mos neglizhoni veç maskës dhe syzet mbrojtëse ose face shield, të cilat ofrojnë një handicap shtesë mbrojtës kundër Covid-19. Përdorni shpesh herë larjen e syve me ujë e sapun, hidhni disa herë në ditë lot artificial . Konsultohuni me mjekun tuaj për mundësinë e përdorimit të veçantë të suplementeve protektive për strukturat okulare .
Kur Covid -19 konvertohet në ‘stresor sinjifikant hiperbolik’ me distres në kontinuitet mund të krijohen patologji komplekse në ” nuclear reaction tip “! Aksioma më me vlerë për këtë situatë është: Mjekimi dhe vaksina më e mirë kundër viruseve është preventiviteti koshient në solidaritet humanitar.
No comments:
Post a Comment