245 familje në bashkitë Korçë, Klos dhe Shkodër janë ndihmuar gjatë kësaj jave me paketa ushqimore-higjenike nga Fondi i Kombeve të Bashkuara për Popullsinë (UNFPA), mbështetur nga partnerët e Agjencisë Zvicerane për Zhvillim SDC, ndihmuar nga rrjeti “Zëri i të Rinjve” dhe të rinjtë e saj vullnetarë në kuadër të projektit “Askush të Mos Mbetet Pas”!
Në fokus të ndihmave humanitare kanë qenë familjet rome dhe egjiptiane, familjet me probleme sociale, fëmijë në rrezik të braktisjes nga familjet e tyre, fëmijë të lënë pas dore për shkak të aftësive të ulëta prindërore, familje që jetojnë në kushte të vështira social-ekonomike, familje të vendosura në zona informale, ku mungojnë shërbimet.
UNFPA në Shqipëri vazhdon të ndihmojë familjet dhe grupet më në nevojë në nivel bashkie, duke bashkëpunuar me stafet e pushtetit vendor, partnerët dhe organizatat e shoqërisë civile.
Para një jave 200 familje në nevojë dhe gra kryefamiljare në Bashkinë Pogradec ishin në fokusin e ndihmave humanitare të mbështetura nga UNFPA në Shqipëri. Specialistët e sektorit të përfshirjes sociale, barazisë gjinore dhe mbrojtjes së fëmijëve” i kërkuan UNFPA-s ndihmë për gratë e dhunuara dhe fëmijët. E menjëhershme ishte përgjigja e tyre, ku së bashku me Qendrën Shqiptare të Popullsinë dhe Zhvillim dërguan 200 pako ushqimore dhe higjenike për këtë kategori familjesh./ JoTabu.al
No comments:
Post a Comment