Qershitë plot vlera ushqyese, por ja vitamina që i mungon

Përgatiti për Gazetën Shëndet Plus, Nutricionistja: Francesca Basha

Qershitë janë fruti i ëmbël tipik i stinës së pranverës, ato përmbajnë substanca të shumta që japin veti të rëndësishme anti-inflamatore dhe anti-oksidante. Le të zbulojmë të gjitha vetitë, vlerat ushqyese dhe efektet anësore të konsumimit te tyre.

Qershitë janë frutat e pemës së qershisë e cila në pranverë prodhon një sasi të madhe lulesh të bardha ose rozë, të cilat zbukurojnë parqe dhe kopshte. Ajo është përhapur gjerësisht në të gjithë vendin dhe kontinentin tonë dhe kultivimi i saj nuk kërkon vëmendje të veçantë; qershia është gjithashtu rezistente ndaj temperaturave të ftohta.

Ekzistojnë dy lloje të ndryshme të qershisë: e para prodhon fruta më të ëmbla, me veti të shumta ushqyese, të cilat mund të marrin ngjyra të ndryshme nga e bardha, te e kuqja dhe e zeza. Lloji i dytë prodhon më shumë fruta të tharta, që përdoren për prodhimin e lëngjeve ose likerave. Qershitë piqen midis majit dhe qershorit, muajt e vetëm në të cilët është e mundur ti gjesh ato gjerësisht në treg dhe konsumohen te freskëta por përdoren dhe për prodhimin e ëmbëlsirave, kompostove, akullores dhe likerit. Këto fruta kaq të shijshme, kanë marrë vëmendje për përdorimin e tyre në fushën mjekësore. Në fakt, ato rezultojnë të jenë fruta të pasura me minerale dhe antioksidantë që do të shohim më mirë në paragrafët e ardhshëm. Le të hedhim një vështrim në vlerat ushqyese të qershive.

Kalori dhe vlera ushqyese

Qershitë kanë mesatarisht më shumë kalori sesa frutat e tjera tipike të periudhës pranverë-verë, për shkak të sasisë së lartë të sheqernave dhe në veçanti të fruktozës dhe glukozës. 100 gram qershi në fakt sjellin 63 kalori. Indeksi i ulët i glicemisë i bën ato një frut të përshtatshëm për të gjithë ata që ndjekin regjime të veçanta dietike. Megjithatë, si të gjitha frutat, është e nevojshme t’i konsumoni ato me sasi te limituar. Ato janë të pasura me minerale të ndryshme, në veçanti gjejmë sasi përfaqësuese të magnezit, kaliumit, bakrit dhe vitaminës C, ndërsa vitaminat B mungojnë.

100 gr qershi përmbajnë sasi të konsiderueshme prej vetëm disa mikronutrientë: vitaminë C (rreth 7% të dozës së rekomanduar ditore), magnez ( 5% të dozës së rekomanduar), kalium (rreth 6%) dhe bakër ( nën 7%). Sidoqoftë, këto fruta përmbajnë sasi të larta të disa karotenoideve dhe veçanërisht behet fjale per luteinen (85 ug).Le të shohim tani vetitë e këtyre substancave.

​Vitamina C​: me funksionin e saj antioksidues, është thelbësore për sistemin tonë imunitar, është gjithashtu i përfshirë në sintezën e kolagjenit dhe është i rëndësishëm për asimilimin e hekurit nga qelizat e kuqe të gjakut;

Magnezi​: mineral me veti të shumta, thelbësore për mirëqenien e sistemit nervor, për ndërtimin e skeletit dhe për metabolizmin e yndyrnave;

Kaliumi​: qershitë janë mjaft të pasura me këtë mineral, të përfshirë në procese të ndryshme fiziologjike si kontraktimet e muskujve, duke mbajtur një ekuilibër të saktë për hidratimin e trupit dhe rregullojnë presionin e gjakut;

Bakri​: i përfshirë në reaksione të ndryshme qelizore dhe pjesë e disa proteinave të rëndësishme, është gjithashtu një molekulë me aktivitet oksidoreduktive. Gjithashtu është një mineral themelor për formimin e eritrociteve dhe për mirëqenien e kockave tona;

Luteina​: subastancë që i përket grupit te karotenoideve, kjo molekulë ka një veprim antioksidues të theksuar.

Eshtë e përqendruar kryesisht në sy dhe është thelbësore për shëndetin e syve.

Në artikujt në vijim do flasim për përfitimet e shumta shëndetësore që sjell konsumimi i qershiave.

Referenca

A Review of the Health Benefits of Cherries

Darshan S Kelley​​1​​2,​ ​Yuriko Adkins​​3​​4,​ ​Kevin D Laugero​​5​​6