Mjekët shqiptarë kudo në botë gjatë pandemisë treguan se ishin më pranë se kurrë me vendlindjen e tyre. Gjithmonë të gatshëm për të dhënë mendimin e tyre profesional, për të shpjeguar çfarë po ndodhte për të qetësuar ankthin e shqiptarëve në karantinë, e për të dhënë këshilla të vlefshme për jetën e gjithësecilit.
Shoqatat e Mjekëve Shqiptarë në Gjermani ishte e para që u organizuar për të dhënë një ndihmë konkrete, fillimisht për shqiptarët që jetojnë në Gjermani, por falë prakticitetit të komunikimit virtual mjekët shqiptarë arritën të asistojnë çdo shqiptar që u shkruajti dhe kërkoi ndihmë.
E gjithë kjo eksperiencë e mjekëve në raport me vendlindjen u bë shkak për organizimin e një sesioni online për të mësuar më shumë se si mund të kthehen dhe të kontribuojnë në vendin e tyre.
Të ftuar në këtë takim virtual z. Lazim Destani, biznesmen dhe Anëtar i Këshilli Koordinues të Diasporës Znj. Olinga Rafat Koordinatorja Kombëtare e programit “Migracioni dhe Diaspora”, mbështetur nga GIZ, Dr. Marsela Ceno Kryetare e Shoqatës së Mjekëve Shqiptarë në Gjermani si dhe Dr. Altin Veshti, kirurg, I cili është kthyer në Shqipëri pas një përvojë 20 vjeçare në disa vende të botës.
Znj. Olinga Rafat prezantoi programin “Migracioni dhe Diaspora”, dhe mundësitë konkrete që ky program ofron për profesionistët shqiptarë që dëshirojnë të rikthehen në vendlindje.
“ Programi ofron disa mundësi për rikthimin dhe riintegrimin në Shqipëri” tha ajo”, – Një profesionist mund të zgjedhe programin dy vjeçar për tu angazhuar në vendlindje ose programin më një afat kohor më të gjatë” , sqaroi ajo duke përmendur edhe disa nga rastet e ekspertëve të rikthyer në Shqipëri të cilët kanë kontribuar në institucione të ndryshme shtetërore dhe OJQ, përfshirë këtu edhe dy raste të angazhuar pranë Ministrit të Shtetit për Diasporën.
Rafat sqaroi se ky është një program i cili aplikohet në Shqipëri dhe Kosovë, shqiptarët e Maqedonisë së Veriut, Malit të Zi etj nëse aplikojnë në këtë program mund të kontribuojnë vetën në këto dy shtete.
I pranishëm në këtë takim virtual ishte dhe biznesmeni dhe anëtari i Këshillit Koordinues të Diasporës. Z Lazim Destani, i cili përgëzoi mjekët për punë e bërë sidomos në këto kohë të vështira.
“Sot ishte kënaqësi të jem pjesëmarrës në sesionin informativ online të organizuar nga Shoqata e Mjekëve Shqiptarë në Gjermani. Si anëtar i KKD në vazhdimësi ndjek më interes aktivitetet e Diasporës, unë dhe të gjithë anëtarët e KKD-së jemi shumë të përkushtuar që këto aktivitete të jenë në dobi të Diasporës dhe vendeve tona. Prandaj edhe ky sesion informativ është i dobishëm për persona nga Diaspora që dëshirojnë të kthehen në vendlindje dhe të kontribuojnë me përvojën tyre në fusha të ndryshme si ekspert.
Edhe kjo iniciativë e sotme për të diskutuar mbi mundësitë reale të bashkëpunimit me sistemin shëndetësor në Shqipëri, Kosovë dhe Maqedoninë e Veriut është për tu përshëndetur dhe përkrahur.
Me këtë rast falenderoj të gjithë mjekët në Diasporë dhe mjekët në vendet tona që dhanë dhe janë duke dhënë një kontribut shumë të madh në këtë rast pandemie” tha ai.
Duke falenderuar Shoqatën e Mjekëve në Gjermani e cila ka qene e angazhuar dhe po angazhohet qe te kete nje kordinim me te mire me te gjitha institucionet shëndetësore, si përfaqësues i Këshillit Koordinues të Diasporës, z. Destani ftoi të gjithë mjekët për të mbështetur peticionin që ka nisur KKD-ja që tu mundësohet të gjithe shtetasve shqiptar që banojnë jashtë territorit të Republikës së Shqipërisë e drejta e votës nga vendbanimet e tyre. Ndërsa i ftoi që të bashkëpunojnë me gazetën “Diaspora Shqiptare” si të vetmin organ mediatik dedikuar plotësisht Diasporës, për të ndarë opinionet dhe historitë e tyre.
Kryetarja e shoqatës Dr. Marsela Ceno tha se ky takim është hapi i parë i një rruge të re.
“Hapi i radhës është të hartojmë projekte konkrete bashkëpunimi. Dhënia e ndihmës është e mundur në dy forma, individuale por edhe si shoqatë. Është me vlere që nga ana e ministrisë së shëndetësisë të ekzistojë dëshira për bashkëpunim. Ne na duhet një pasqyrim i hollësishëm i situatës konkrete, që të vijmë të mirëinformuar, të dimë se çfarë pret dhe ku mund të japim ndihmën tonë aty ku vërtet duhet” tha ajo.
Dr. Altin Veshti kirurg në Kardiokirurgji Pediatrike pas 20 vitesh eksperiencë jashtë vendit, prej pak kohës është kthyer në Shqipëri, ku është bërë pjesë e sistemit shëndetësor. Dr. Veshti U ndal te vështirësitë me të cilat përballen mjekët që rikthehen pas një përvojë në vendet perëndimore.
“Problemi i parë më të cilin përballemi është mungesa e aparaturave ose ato që gjejmë nuk janë në gjendje të mirë” tha ia.
Sipas tij rikthimi i mjekëve në vendlindje, por edhe i çdo profesionisti tjetër duhet të bëhet nëpërmjet institucioneve.
“Ministria e Shëndetësisë duhet të bëjë një sondazh për të kuptuar se çfarë specializimesh duhen dhe nuk duhen. Në mënyrë që kushdo që do të vijë nga jashtë të jetë i qartë se çfarë mund të gjej këtu” përfundoi ai.
Sipas të dhënave jo zyrtare mbi 3 mijë mjekë janë larguar nga Shqipëria për të ushtruar profesionin e tyre në Europë, ku rreth 1 mijë prej tyre numërohen në Gjermani./Burimi: Diaspora Shqiptare
No comments:
Post a Comment