Babai i tyre ndërroi jetë në Spitalin Infektiv, dy motrat denoncojnë: E lanë në karrige, mos i sillni prindërit këtu

Dy vajzat e një pacienti që ka ndërruar jetë në Spitalin Infektiv si pasojë e Covid-19, kanë bërë një deklaratë tronditëse ditën e sotme.

Motrat thanë se e kishin sjellë babanë e tyre, Rifat Lalo, tek ky spital pasi i kishin informuar se ishte i vemti që kishte oksigjen dhe vende të lira. Ato denoncojnë se stafi i spitalit nuk kishte bërë asnjë shërbim për të, ndërkohë që doktoresha që duhet të kujdesej për të atin nuk i kishte bërë as skanerin.

Po ashtu ata thonë se babai i ka kërkuar që ta nxirrnin nga Infektivi, duke dhënë para, ndërsa i bëjnë thirrje njerëzve që mos të sjellin të afërmit në këtë spital, nisur nga eksperienca e e rëndë me babin e tyre. Për “Fax News” ato u shprehën:

“Na thanë që vetëm këtu kishte oksigjen, na thanë që nuk kishte vende të lira në spitale, vendosëm që ta sillnim këtu. Babai na merrte çdo çerek ore dhe na thoshte se nuk i bënin asgjë, e kishin lënë afër derës dhe kishte ftohtë. Doktoresha Migena Qato nuk kishte një etikë mjekësore, ajo thoshte që po i bëjmë skaner, dhe babai thoshte nuk i bënin asgjë. Babai thoshte që të dilnin, ne komunikuam dhe me mjekë në Bruksel dhe tghoshin që nuk është gjendja aq e rëndë sa e thonë ata aty.

Ishim me mëdyshje nëse duhet ta nxirnim apo jo nga spitali, kërkuam që ta çonim në një spital tjetër. Babai thoshte jepni pare dhe më nxirrni nga këtu. Nuk kam për tia falur kurrë vetes këtë, që e shtruam babanë këtu. Kurrë më asnjë të afërm në publik, e vërtetuam këtë mbrëmë, me ikjen e babait tonë. Na tha se e kishin lënë në një karrige, nuk e prekte njeri me dorë, babai ynë ishte intelektual. Kemi shumë pikëpyetje, babai ynë ka ikur me brengë në zemër, na iku tak fak.

Ne kemi burim nga brenda që nuk i është bërë skaner, ju lutem mos sillni prindërit këtu, të afërmit, e kemi të provuar që nuk i është bërë asgjë.”