Drejtoresha e ISHP, Albana Fico, u shpreh se qarkullimi i këtij varianti tregon se ne nuk e kemi përfunduar situatën, ndaj duhet që personat që kanë simptoma, të karantinohen.
“Nëse për një moment harruam që jemi në këtë situatë, qarkullimi i këtij varianti tregon që nuk e kemi përfunduar këtë detyrë. E gjithë kjo përpjekje ka një vlerë të veçantë, që është vaksinimi i shoqëruar me masat që janë në fuqi dhe që duhen zbatuar nga qytetarët. Të gjithë ata raste që kanë nevojë për ndihmë të shpejtë mjekësore, të telefonojnë në numrin e urgjencës 127”, tha Albana Fico.
Fico theksoi gjithashtu se mbajtja e maskës, ruajtja e distancës, higjiena, janë kryefjala.
“Ky proces vijon, për të çuar në mënyrë të përsëritur mostra. Ajo që do të kërkoja nga qytetarët është që në fund të ditës të mos anashkaloni këshillat. Nëse keni kryer dozën e parë, kryejeni edhe dozën e dytë. Persona e vaksinuar me të dyja dozat kanë shans minimal për t’u prekur nga Covid-19” u shpreh Fico.
No comments:
Post a Comment