6 raste të reja me Covid në Shqipëri, një jetë e humbur

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Situata e COVID19 në 24 orët e fundit është si vijon:

Janë kryer 2,325 testime, nga të cilat kanë rezultuar pozitivë 6 qytetarë. Rastet pozitive të konfirmuara janë identifikuar në këto bashki: 2 raste në Tiranë, nga 1 rast në Fier, Lezhë, Kamëz, Prrenjas.

Aktualisht në spitalet COVID po trajtohen 39 pacientë, nga të cilët 6 pacientë janë në terapi intensive.

Me gjithë përpjekjet e stafit mjekësor betejën me COVID19 nuk e ka fituar 1 qytetar nga Kolonja, 70 vjeç. Ministria e Shëndetësisë dhe Mbrojtjes Sociale i shpreh ngushëllimet familjes.

Në 24 orët e fundit janë shëruar 123 qytetarë, duke e çuar numrin e të shëruarve në 129,431 që nga fillimi i epidemisë.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (31 Maj 2021)

Raste të reja ditore 6

Të shëruar në 24 orë 123

Të shtruar në spitale 39

Humbje jete në 24 orë 1

Testime ditore 2,325

Testime totale 720,021

Raste pozitive 132,315

Raste të shëruara 129,431

Raste Aktive 433

Humbje jete 2,451

Shpërndarja gjeografike e rasteve aktive sipas qarqeve:

Tiranë 152

Korçë 67

Shkodër 62

Berat 33

Elbasan 27

Lezhë 25

Vlorë 22

Gjirokastër 15

Fier 9

Durrës 9

Kukës 8

Dibër 4

Ju kanë dalë rrudha? Ja përbërësi ideal për t’i parandaluar ato

Vaji i kokosit është një përbërës i mahnitshëm për eliminimin e rrudhave dhe pastrimin e thellë të poreve. Ai mund të parandalojë gjithashtu shfaqjen e akneve dhe puçrrave të zeza, të cilat shumë vajza i shohin si problematike.

Por nëse do të bëni kombinim midis vajit të kokosit dhe sodës së bukës, përzierja që do të fitoni do të jetë më e fortë kundër të gjitha llojeve të problemeve të lëkurës, duke përfshirë trajtimin e akneve, skuqjen, shenjat dhe heqjen e papastërtive të tepërta nga poret e lëkurës. Femrat mund ta përdorin edhe për pastrimin e lëkurës, sepse ajo bën të mundur largimin e qelizave të vdekura nga lëkura.

Për të krijuar këtë masë mjafton të merrni 2 lugë çaji me vaj kokosi ekstra të virgjër dhe 1 lugë çaji sodë buke. Përziejini të dy përbërësit derisa të krijoni një pastë homogjene dhe më pas aplikojeni atë në fytyrën tuaj. Masazhojeni butësisht fytyrën me lëvizje rrethore. Më pas lëreni të veprojë për 5 minuta dhe shpëlajeni fytyrën me ujë të vakët.

Pasi të keni bërë këtë nuk është e nevojshme të vendosni asnjë lloj kremi në fytyrë sepse vaji i kokosit do të hidratojë lëkurën tuaj. Këshillohet që të përgatisni aq sa do përdorni sepse pasta duhet të jetë e freskët sa herë pastroni fytyrën, në mënyrë që rezultati të jetë sa më i mirë./ shendeti.com.al

Çfarë dimë për origjinën e pandemisë?

A ka pasur një aksident në laborator? Çfarë e dallon SARS CoV-2 nga viruset e tjera të Coronës? Shërbimet sekrete amerikane po hetojnë mbi origjinën e pandemisë, Kina kritikon.

Në të gjithë botën janë vërtetuar si të infektuar me SARS CoV-2 rreth 170 milionë vetë dhe më shumë se 3,4 milionë kanë humbur jetën. Por nga vjen ky vírus kaq ngjitës që paralizoi me muaj ekonomitë në botë dhe shkatërroi ekzistencën e kushedi sa të tjerëve? Deri më tani ka pasur vetëm më shumë supozime se fakte, se ku e ka origjinën pandemia botërore.

Për një aksident të mundshëm në Institutin e Virologjisë në Vuhan, Kinë, raportoi së fundmi “Wall Street Journal” duke iu referuar një raporti të një shërbimi sekret amerikan, sipas të cilit në nëntor 2019 tre punonjës të institutit, të cilët u sëmurën rëndë me simptoma të njëjtja si ato të Covidit, kishin qenë në një klinikë. Shërbimet sekrete amerikane duan të mbledhin tani fakte të besueshme në vend të supozimeve për një aksident të mundshëm laboratori në Kinë dhe do të paraqesin një raport brenda 90 ditësh, këtë e ka urdhëruar presidenti Biden. “SHBA do të vazhdojnë të bashkëpunojnë me partnerët me të njëjtat synime për të rritur presionin ndaj Kinës, që të marrë pjesë në një hetim ndërkombëtar të bazuar në fakte, të plotë, transparent dhe të lejojë qasjen në të gjitha të dhënat e provat e nevojshme”, tha presidenti Biden.

Kina akuzoi SHBA, se po politizon kërkimet dhe do t’ia japë Kinës fajin për pandeminë. Në të njëjtën kohë ky vend me gjasë vend origjine i virusit bllokon një hetim të hapur dhe hedh poshtë çdo lloj përgjegjësie.

Çfarë dihet për virusin?

Që në janar 2020, studiuesit kinezë gjetën shkakun për një shpeshtim të një sëmundjeje të mushkërive të panjohur më parë, nga e cila në qytetin Vuhan kishin humbur jetën shumë vetë. Në qelizat e tyre të rrugëve të frymëmarrjes ata gjetën gjenet e një virusi ARN nga familja e viruseve të Coronës, që u kategorizua në nëngrupin B (Betacoronavirus).

Ky vírus, që ishte definitivisht plotësisht i ri, kishte megjithatë ngjashmëri të madhe me virusin Corona, që solli shpërthimin e pandemisë SARS në vitet 2002-2004: SARS-CoV. Ky vírus i ri nga Kina jugore u përhap brenda pak javësh gati në të gjitha kontinentet. Në të gjithë botën u sëmurën 8096 persona – të testuar- dhe 774 vetë ndërruan jetë nga sindromi i një sëmundjeje të rëndë të rrugëve të frymëmarrjes. Edhe pse shifrat krahasuar me pandeminë e tanishme ishin shumë më të pakta, pandemia e atëhershme tregoi, se sa tmerrësisht shpejt përhapet një sëmundje ngjitëse në një botë të globalizuar.

Ku u zbulua për herë të parë virusi?

Disa studime japin të dhëna, se virusi ishte përhapur disa javë, ndoshta edhe disa muaj më parë, pra para se të zbulohej në dhjetor në Vuhan. Në Kinë sipas të dhënave të gazetës “South China Morning Post” ka pasur që në mesin e nëntorit një infektim të parë të testuar me SARS CoV-2. Kjo nuk do të thotë patjetër që ky infeksion e ka edhe origjinën në Kinë. Studiues të Universitetit Cambridge kishin publikuar në prill 2020 një studim, në të bazë të të cilit pandemia me shumë gjasa filloi në mes të shtatorit dhe fillim dhjetorit 2019, ose në Kinë ose në një vend kufitar. ( https://ift.tt/2zzMvmg )

Nga ana tjetër gjurmë të virusit të ri u gjetën në prova të ruajtura të ujërave të bardha në Itali dhe Brazil, që ishin marrë që në dhjetor, ose në nëntor 2019. Në Itali u gjetën madje në provat e gjakut të një testimi me pjesëmarrës të skanerit për kancerin e mushkërive antitrupa kundër SARS-CoV-2,- provat e gjakut ishin marrë që në shtator 2019 dhe shkurt 2020.

Që virusi mund të jetë përhapur që në vjeshtën e vonë 2019 në Europë dhe prej mesit të nëntorit në Kinë nuk lejon përfundime të sakta për origjinën e pandemisë. Ai tregon vetëm se sa shpejt mund të përhapet një virus kaq agresiv në botë.

Nga cila kafshë vjen virusi?

Si skenari më i mundshëm konsiderohet një origjinë zoologjike përmes një kafshe ndërmjetës. Sipas skenarit, një kafshë e ka pasur virusin në fillim dhe e ka kaluar tek një kafshë tjetër. Por deri më tani as nuk është identifikuar saktë një kafshë potenciale si origjinë dhe as kafsha ndërmjetëse. Po ashtu të dyja viruset Corona SARS nuk janë identifikuar saktësisht në botën e kafshëve. Por se të dy këto viruse Corona janë të vërtet të ngjashëm me viruset Corona që gjenden tek lakuriqët e natës, që gjenden në Azinë Juglindore. Sekuenca gjenetike e SARS-CoV-2 aktual përputhet 96,2% me virusin Corona RaTG13 – që u gjet në një lloj lakuriq nate. Kjo tingëllon shumë, por është vetëm një pikë e parë, sepse përputhshmëria e viruseve me kafshë të tjera si pangolinët nuk është më e vogël.

Për shkak se shumica e njerëzve nuk kanë kontakt direkt me lakuriqët e natës apo pangolinët, ekspertët kërkojnë për kafshë ndërmjetësuese, që kanë kontakt më të ngushtë me njerëzit, si psh vizonët.

A vjen virusi nga një laborator?

Ajo që dihet është se në Institutin e Vuhanit për virologji është eksperimentuar me virusin Corona RaTG13 dhe me RmYN02, sekuencat gjenetike të të cilëve përputhen 93,3% me SARS-CoV-2.(Current Biology, 2020; DOI: 10.1016/j.cub.2020.05.023). Nga kjo rrodhën dy skenarë: SARS CoV-2 mund të jetë prodhuar artificialisht si një armë kimike dhe/ose ka dalë gabimisht për shkak të një aksidenti.

Ekspertët e Organizatës Botërore të Shëndetësisë i quajnë të dy skenarët si “shumë pa gjasa”. Por ata nuk mundën të ishin plotësisht bindës, sepse me hetimet e tyre shumë të kufizuara ata nuk mund të bënin inspektime të pavarura apo të siguronin prova, sepse Kina nuk e lejoi këtë. Në vend të kësaj ata duhet të merrnin të dhëna të publikuara dhe të dhëna të partnerit kinez. Madje vetë kreu i OBSH, Tedros Adhanom Ghebreyesus kërkoi më vonë që të paktën hipoteza e një aksidenti në laborator të hetohet më tej.

Çfarë flet për një „armë biologjike”?

Prodhimin artificial të SARS-CoV-2 në një laborator në Vuhan shumë vetë e quajnë si shumë pa gjasa. Kështu një ekip i profesores së mikrobiologjisë, Kristian Andersen nga “Scripps Research Institute” në La Jolla, Kaliforni hulumtoi proteinën Spike në sipërfaqen e virusit, Në segmentin e genomit u panë dy dallime të mëdha mes SARS-CoV-2 dhe viruseve të ngjashme Corona. Proteina ka një ndërtim ndryshe, e vërtet që virusi mund të depërtojë më shpejt qelizat e njeriut, por për të qenë një “armë biologjike” struktura e virusit, sipas këtyre ekspertëve në La Jolla nuk është e rafinuar sa duhet.

Aksident laboratori?

Mbetet teoria se studiuesit kinezë kanë eksperimentuar me viruset e rrezikshme Corona si psh. RaTG13 apo RmYN02, dhe se SARS CoV-2 gabimisht për shkak të një aksidenti ka dalë nga laboratori. Udhëheqja kineze e hedh poshtë kategorikisht këtë teori.

Edhe ekspertët e OBSH e shohin si me shumë pak gjasa këtë në bazë të të dhënave që iu ofruan. Kundër kësaj flet evoluimi i virusit, dhe tjetra, Instituti i Vuhanit për Virologjinë ka laboratorë të sigurisë së lartë. Tek të dhënat e ofruara nuk ka asnjë shenjë për aksident në laborator apo sëmundje të punoënjësve.

Pikërisht kjo pikë nuk përkon me atë që ka publikuar “Wall Street Journal” duke iu refereruar shërbimeve sekrete, ku tre punonjës në nëntor 2019 treguan simptoma të afërta me Covid. Kina e hedh poshtë edhe këtë.

Deri tani ka supozime në vend të fakteve dhe refuzime në vend të transparencës – mbetet e hapur, nëse dikur ne do ta dimë se ku e pati origjinën kjo pandemi botërore. Dhe sidomos si të mos lejojmë që të përhapen pandemi të tjera./DW

BE miraton vaksinën “Pfizer” për përdorim te fëmijët e moshës 12-15 vjeç

Vaksina Pfizer/BioNTech është vaksina e parë kundër COVID-19 që miratohet për përdorim tek fëmijët e moshës 12-15 vjeç nga Bashkimi Evropian.

Deri më tani, vaksinat kundër COVID-19 kanë qenë në dispozicion vetëm për persona të moshës 16 vjeç e lart.

“Agjencia Evropiane e Barnave (EMA) ka miratuar sot përdorimin e vaksinës nga Pfizer/BioNTech të quajtur Comirnaty, për adoleshentë nga 12 deri në 15 vjeç,” tha Marco Caveleri, përfaqësues i EMA-s.

“Vaksina ishte e autorizuar për përdorim nga mosha 16 vjeç e lart dhe tani kemi të dhëna që tregojnë se vaksina është e sigurt në moshën 12 deri në 15 vjeç”, shtoi ai.

BE nuk është fuqia e parë e madhe perëndimore që lejon të rinjtë të marrin vaksinën. Më parë këtë muaj, Shtetet e Bashkuara miratuan Pfizer/BioNTech për përdorim emergjent në moshat 12 deri në 15 vjeç, ku Administrata e Barnave në atë vend, tha se përfitimet tejkalonin rreziqet e mundshme.

Sidoqoftë, në mes të muajit maj, drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, tha se vendet që tashmë po vaksinojnë të rinjtë duhet të ndalojnë së bëri këtë gjë, pasi ata janë më pak të rrezikuar nga sëmundja.

Ai shtoi se këto doza duhet t’u dhurohen vendeve më të varfra përmes iniciativës së organizatës COVAX, që synon qasje të barabartë në vaksinat COVID-19.

Kompania Moderna gjithashtu pritet të nisë procedurat për aprovimin e përdorimit të vaksinës së saj tek adoleshentët.

Përfundimet e EMA-s tani do t’i kalohen Komisionit Evropian, i cili më pas do të lëshojë një vendim zyrtar që do të zbatohet ligjërisht për të 27 vendet anëtare.

Drejtori i OBSH në Evropë: I frikshëm mutacioni indian i COVID-it, fushatat e vaksinimit shumë të ngadalta

Mes varianteve të reja që janë edhe më shumë të transmetueshme, fushatat e vaksinimit në Evropë janë akoma shumë të ngadalta, kjo ishte deklarata e drejtorit rajonal europian të Organizatës Botërore të Shëndetësisë.

Hans Kluge tha në një intervistë për AFP se “pandemia do të mbarojë kur të arrijmë një vaksinim minimal të 70% të popullsisë”.

Sipas ECDC (Qendrës Europiane për Parandalimin dhe Kontrollin e Sëmundjeve), Europa ka rritur sasinë e vaksinimit gjatë muajve të fundit, me të paktën një dozë të vaksinës COVID që u është injektuar përafërsisht 41% të të rriturve në Europë. Kishte një mesatare prej 18.6% të të rriturve të vaksinuar plotësisht, sipas deklaratës së ECDC.

N

Në një pandemi, shpejtësia është thelbësore, tha Kluge, duke theksuar se shpejtësia është pikërisht ajo që ka munguar që prej fillimit të pandemisë.

“Edhe kur OBSH shpalli pandeminë, shumë vende ishin ende në pritje, pa marrë asnjë masë. Ne humbëm kohë të çmuar,” shtoi Kluge.

Gjatë intervistës për AFP, drejtori i OBSH në Europë paralajmëroi se varianti indian është edhe më i transmetueshëm se ai britanik.

Kluge shprehu shqetësimin se njerëzit e lënë kujdesin dhe vigjilencën pas në momentin që kanë marrë dozën e parë ose edhe të dytë të vaksinës, duke harruar se pandemia nuk ka mbaruar.

Mos i jepni kohë shtesë, le ti japim kartonin e kuq COVID-19, le të kemi kujdes, ishte thirrja e Hans Kluge, teksa apeloi për përshpejtim të fushatës së vaksinimit duke sjellë në vëmendje gjithashtu se OBSH po vijonte studimin e vaksinës kineze dhe asaj ruse.

A keni shumë nishane në lëkurë? Ja pse mund të jetë problematike

Lëkura me shumë nishane mund të jetë problematike, si për meshkujt, ashtu edhe për femrat. Ka nishane që në lindje dhe ka prirje për dalje nishanesh për shkak të trashëgimisë

Aktore dhe modele të njohura kanë nishane identifikuese të tyre. Të tilla si Merlin Monro, Elisabet Tejlor, Eva Mendez apo Sindi Kroford. Megjithatë, janë jo pak njerëz që nishanet nuk i shohin si pjesë të bukurisë, aq më tepër me njohuritë më të fundit se ato mund të jenë edhe të rrezikshme për jetën. Si shkaktohen nishanet? Kur fillojnë të dalin dhe cilat mund të jenë mënyrat e trajtimit dhe rreziqet që ato sjellin? Kur duhet të fillojmë të shqetësohemi për praninë e tyre?

Të gjitha këto i shpjegon për gazetën “Shëndet Plus” dermatologia pranë shërbimit të Dermatologjisë në QSUT, Entela Shkodrani.

Doktoreshë, si shpjegohjet fakti se disa njerëz e kanë lëkurën me shumë nishane, ndërsa të tjerë jo?

Nevusi është termi mjekësor me të cilin mjekët i referohen atyre elementeve të pigmentuar në lëkurë, të kufizuar mirë, që në gjuhën popullore njihen si nishane. Nevuset mund të jenë kongenitale, pra të pranishëm që në lindje ose të fituar me kalimin e viteve.

Tendenca për të pasur nishane është e njëjtë si për femrat, ashtu edhe për meshkujt, pra nuk ka preferencë seksuale. Ndërsa shpërndarja e nevuseve në trup ka një lloj preference seksuale psh dihet që vajzat kanë më shumë nishane në këmbë dhe djemtë në trup.

Fakti që disa njerëz kanë më shumë nevuse se të tjerët shpjegohet vetëm me prirjen e tyre gjenetike. Ka disa lloje të ndryshme nevusesh dhe pjesa më e madhe e tyre janë epidermale (të lokalizuar në pjesën e jashtme të lëkurës). Nevuset melanocitike apo me ngjyrë tregojnë që ato janë të përbëra nga shumë qeliza që prodhojnë melanine që quhen melanocite.

Cilat janë shkaqet kryesore të daljes së nishaneve në lëkurë?

Mendohet që pjesa më e madhe e daljes së nishaneve i dedikohet një anomalie të rastësishme malformimi gjatë zhvillimit embrional të një individi. Gjithmonë e më tepër ka studime që provojnë që nevuset kongenitale janë gjenetikisht të trashëgueshme. Ndërsa nevuset e fituara kryesisht shkaktohen nga ekspozimi i tepërt në diell, por gjithashtu edhe nga predispozita gjenetike.

Cilët mund të jenë shkaktarët e dëmtimit të lëkurës me nishane?

Nuk mund të shprehemi se ka shkaktarë të dëmtimit të lëkurës me nishane. Nëse një individ ka shumë nishane në trup, në përgjithësi mbi 40 apo 50, ka nishane të quajtura atipike, pra nishane që në pamjen e jashtme kanë disa ndryshime si asimetri konturi, ngjyrë apo strukturë, ka në familjen e tij persona që kanë kaluar melanoma apo kancer lëkure, atëherë ne si dermatologë këtë person e klasifikojmë si individ me risk dhe i këshillojmë kontrollet rutinore dermatoskopike. I vetmi shkaktar të cilin mund ta evitojmë, është eskpozimi i tepërt dhe jo i kontrolluar në diell.

Në cilën moshë fillojnë konkretisht të dalin nishanet në lëkurë?

Nevuset fillojnë e shfaqen në përgjithësi në fëmijërinë e hershme. Maksimumi i shfaqjes së tyre arrin në adoleshencë deri në moshën 40-50 vjeç.

A ka ndonjë mënyrë për parandalimin e tyre?

Nuk ka asnjë mënyrë për të parandaluar shfaqjen e nevuseve. Nëse një person është i përcaktuar gjenetikisht për të pasur një numër të caktuar nevusesh, e vetmja mënyrë parandalimi është kujdesi ndaj ekspozimit në diell që fillon që në fëmijërinë e hershme. Në përgjithësi vitet e fundit shohim që është rritur interesi dhe kujdesi i prindërve për mbrojtjen e fëmijëve nga dielli. Parandalimi i melanomës fillon pikërisht në këtë moshë duke evituar djegjet e vazhdueshme në diell të cilat konsiderohen gjithashtu si një nga faktorët e riskut për melanoma.

A duhet të bëjnë ndonjë kontroll mjekësor tek dermatologu njerëzit që kanë shumë nishane?

Sigurisht, dermatologët i kartelizojnë personat me shumë nishane dhe u rekomandojnë një kontroll rutinor dermatoskopik. Në persona normalë dermatoskopia rekomandohet të kryhet një herë në vit, në personat me risk për melanoma kontrolli është më i shpeshtë. Po kështu duhet të kryejnë kontroll rutinor dermatoskopik edhe familjarët e personave me melanoma.

A ka ndonjë metodë për zhdukjen e nishaneve mbi lëkurë?

E vetmja mënyrë për të zhdukur një nishan është ekcizimi apo heqja kirurgjikale e tij dhe konfirmimi i mëtejshëm bioptik për nishanin e hequr dhe pjesën përreth tij. Janë përdorur edhe mënyra të tjera si dermoabrazioni apo lazeri, por në shumë raste është vënë re rishfaqja e nevusit disa muaj mbas ndërhyrjes. Dëshira e njerëzve për të hequr nevusin në mënyrë të padhimshme, ka shtyrë teknologjinë në drejtim të lazerave kirurgjikale që mund të heqin nevusin edhe më në thellësi, por gjithsesi e vetmja mënyrë e sigurt shëndetësore është heqja e tij në rrugë kirurgjikale.

A ka ndonjë dietë apo mënyrë ushqyerje për personat që kanë shumë nishane?

Ushqimi nuk ka asnjë lidhje me praninë e nevuseve në trup.

Një gotë qumësht në ditë mban larg sëmundjet e zemrës

   Përshtati në shqip Rigers Nikolla     

Studimi i ri hedh poshtë  disa mite që ne dinim rreth konsumimit të qumështit.

Një gotë qumësht çdo ditë mund të zvogëlojë ndjeshëm rrezikun e vuajtjes nga sëmundjet e zemrës, sipas një studimi të ri global. Një ekip studiuesish gjithashtu zbuluan se pirësit e qumështit kanë nivele më të ulëta të kolesterolit, i cili mund të bllokojë arteriet dhe të çojë në sulme në zemër ose goditje në tru.                                                                                                                                                                              Ata që pinë qumësht çdo ditë ulin rrezikun e sëmundjes koronare të zemrës me 14%, thanë autorët e studimit në një njoftim.

Duke studiuar informacionin shëndetësor të 2 milion britanikëve dhe amerikanëve, shkencëtarët zbuluan ata që  konsumojnë sasi të mëdha qumështi ishin më pak të prirur ndaj sëmundjeve kardiovaskulare.

Gjetja e re vjen ndërsa një provë në rritje që  tregon se produktet e qumështit mund të jenë vërtet të dobishme për shëndetin tuaj. Studimet e kaluara, më parë kishin arritur në përfundimin se produktet e qumështit konsideroheshin deri diku të  dë mshme pë r shë ndetin.

Ekipi ndërkombëtar nuk ishte në gjendje të gjente një lidhje midis konsumit të rregullt të qumështit dhe niveleve të rritura të kolesterolit.

Kur bashkuan të dhënat nga studimi i Biobank në MB, studimi britanik i lindjes 1958 dhe studimi i shëndetit dhe pensionit nga SH.B.A., shkencëtarët zbuluan se ata që pinin më shumë qumësht kishin nivele më të ulëta të yndyrnave në gjak.

Sidoqoftë, autorët zbuluan se pirësit e rregullt të qumështit zakonisht kanë një indeks më të lartë të masës trupore (BMI) në krahasim me ata që nuk pinë qumësht.

Megjithëse mbipesha, diabeti dhe gjendje të tjera që ndikojnë në metabolizëm gjithashtu kanë lidhje me mbingopjen e tepruar të produkteve të qumështit, Prof Karani tha se nuk kishte prova se marrja e qumështit më të lartë rriti shanset e diabetit.

Qumështi ka qenë prej kohësh i njohur për të ndihmuar në ndërtimin e kockave dhe për t’i siguruar trupit një rritje të vitaminave dhe proteinave.

Ky është  një  lajm shumë  i mirë  për konsumatorët e rregullt të  qumështit./Burimi Daily Mail

A mundet lëngu i mishit të ndihmojë kockat dhe artikulacionet, të forcojë imunitetin dhe të ndihmojë tretjen?

Nga Bleria Bombaj, dietologe

Siç e dimë, lëngu i mishit përftohet nga kockat e ziera në ujë për orë të tëra. Por, a mundet lëngu i mishit të ndihmojë kockat dhe artikulacionet, të forcojë imunitetin dhe të ndihmojë tretjen?

E vërteta qëndron se, për aq sa është i shijshëm, lëngu i mishit kur arrin në sistemin gastrointestinal kthehet në amino acid që tretet menjëherë nga stomaku para se të arrijë gjakun apo sistemin tonë imunitar. Gjithsesi, ashtu si çdo amino acid, mund të stimulojë qelizat e stomakut për të ndihmuar tretjen por nuk mund të bëjë mrekullira për kockat apo sistemin imunitar.

Çajra të ftohtë shtëpie: Freskues dhe me pak kalori

Përshtati në shqip: Daniela Burnazi

Në ditët e nxehta të verës ju keni nevojë të freskoheni dhe mbi të gjitha të hidratoheni. Ja recetat më të mira për çajra të ftohta të cilat kanë shumë pak kalori dhe do t’ju japin përfitime të shumta shëndetësore.

Çaj i ftohtë levandre

Përbërësit: levandër e tharë, ujë, qese çaji jeshil, lule të freskëta livandoje, mjaltë.

Hidhni levandrën e tharë në një tenxhere me ujë dhe lëreni të valojë për disa minuta, pas disa minutash hidhni qeset e çajit jeshil. Pasi të jetë ftohur në temperaturën e ambientit hidheni në një kanë të mbushur me akull. Më pas shtoni mjaltin dhe lulet e freskëta të levandrës.

Numri i kalorive: 20

 Çaj i ftohtë boronice dhe limoni

Janë fruta antioksidante, ju ndihmojnë të tresni ushqimin dhe ju hidraton.

Përbërësit: qese çaji boronice, boronica të ngrira, lëng limoni, ujë, mjaltë

Në ujë të valuar hidhni 3-4 qese çaji boronice dhe lërini derisa të ftohen në temperaturën e ambientit. Në një kanë hidhni akull, boronicat e ngrira, lëngun e 1 kokrre limoni, mjaltë dhe më pas hidhni çajin e boronicës.

Numri i kalorive: 145

Çaj i ftohtë mentje

Çaji i mentes është i pasur me antioksidantë dhe parandalon rrezikun e kancerit dhe sëmundjeve të zemrës.

Përbërësit: gjethe të freskëta mentje (nenexhiku), qese çaji jeshil, akull, mjaltë, gjethe të freskëta livandoje (opsionale).

Valoni për pak minuta gjethet e nenexhikut dhe më pas në ujin e ngrohtë hidhni 2 qese çaji jeshil. Lëreni lëngun derisa të ftohet në temperaturën e ambientit. Në një gotë të madhe hidhni akull, disa gjethe mentje dhe livandoje, dhe 1 lugë mjaltë.

Numri i kalorive: 5 (më shumë nëse i shtoni mjaltë)

 Çaj i ftohtë pjeshke dhe mentje

Ka vlera antioksiduese dhe do t’ju mbajë të hidratuar.

Përbërësit: ujë i valuar, qese çaji mentje, disa gjethe mentje të freskët, copa pjeshke, lëng i freskët pjeshke ,mjaltë (opsional).

Në ujin e valuar hidhni 3 qese çaji mentje, lerini derisa të ftohen në temperaturën e ambjentit. Në një kanë ose gotë të madhe hidhni akull, gjethe të freskëta mentje, 1 pjeshkë të prerë në kubikë dhe 1-2 lugë mjaltë. Më pas hidhni çajin dhe gjysmë gote lëng pjeshke.

Kaloritë: 30/shendeti.com.al / HEALTH

LAJM I FUNDIT/ Lirohen masat kufizuese, nga 1 Qershori nuk ka më maska jashtë, zgjatet orari i lirisë

Mira Rakacolli: Komiteti i Ekspertëve për menaxhimin e pandemisë në mbledhjen e sotmë analizoi situatën epidemiologjike, për të përcaktuar vijimësinë e masave. Siç është parë nga raportimet tona të përditshme ka pasur një ulje të rasteve.

Albana Fico: Përshëndetje të gjithëve, do desha që të listoja indikatorët për të kuptuar ku qëndorjmë sot, incidenca dyjavore ka zbritur me 35%, numri i bashkive me raste të reja është 9. Vijojmë një raport infektimesh me 52% të meshkujve, kemi 43 persona të shtruar në spitale. Ajo që duhet thënë dhe ne e kemi cilësuar prej disa javësh, është rënia nën 1% i rasteve pozitive me tampon. Pandemia nuk ka përfunduar, edhe pse pozitiviteti është ulur, duhet të mbajmë maskë, higjenën dhe distancën.

Rakacolli: Situata është e kontrolluar, ekspertët mendojnë se ky kontroll ka të bëjë me zbatimin e masave, dhe efekti i vaksnimit në mënyrë të organizuar.

Komiteti ka vendosur që nga data 1 Qershor të hiqet maska në ambientet e jashtme, por do të vijojë në ambiente të mbyllura dhe në mjetet e transportit publik. Ora policore nga 22 që është do të kalojë në orën 23 deri në 6 të mëngjesit. Klubet e natës do të vijojnë të jenë të mbyllur, ndërkohë që muzika do të vijojë të lejohet deri në 22.

Nga data 15 Qershor do të rritet numri i personave nga 10-15, nga 1 korriku në rast se situata do të mbetet e njëjtë do të shtyhet edhe një orë ora policore.

Sot hap dyert Spitali Memorial i Fierit, mesazhi për qytetarët i skuadrës shqiptaro-turke

Kryeministri Edi Rama e ka nisur ditën me një video nga Spitali Memorial i Fierit, i cili është ndërtuar me donacione të dhëna nga Turqia.

Në videon e postuar nga Rama në facebook, pjesëtarë të skuadrës shqiptaro-turke janë shprehur të lumtur që janë pjesë e strukturës së këtij spitali, për t’iu shërbyer të gjithë banorëve të jugut të vendit.

Rama tregon gjithashtu se spitali hap sot dyert për fazën e parë në shërbim të qytetarëve.

“MIRËMËNGJES

dhe me disa nga pjesëtarët e skuadrës shqiptaro-turke në Spitalin Rajonal Memorial të Fierit, që sot hap dyert për fazën e parë në shërbim të qytetarëve, ju uroj një ditë të mbarë”, shkruan Rama.

Nis vaksinimi për punonjësit e Transportit Publik, mjeku Kalo: Është koha për hapje graduale

Sot ka nisur procesi i vaksinimit për punonjësit e transportit publik. Në total do të jenë 14 mijë punonjës që do të marrin dozën e vaksinës në çadrën e ngritur prej disa javësh në sheshin ‘Skënderbej’. Ndërkohë në ditët në vijim, ky proces do të vijojë me vaksinimin e punonjësve të transportit ndërqytetas.

Ky sektor ka qenë ndër të parët që kanë kërkuar të vaksinohen për shkak të rrezikut që i kanosej si rrjedhojë e numrit të madh të udhëtarëve, duke pamundësuar ruajtjen e distancës fizike.

Në total, që nga fillimi i këtij procesi, janë vaksinuar 736 mijë e 365 persona.

Ndërkaq, mjeku Tritan Kalo pohon se vaksinimi dhe kalimi i Covid-19 nga shumë njerëz kanë bërë që rastet e reja të ulen ndjeshëm. Sipas tij, shqiptarët kaluan dy sprova të mëdha siç ishin zgjedhjet e 25 prillit dhe festimi i Bajramit, pra dy raste këto kur ka pasur grumbullime njerëzish dhe nuk ka pasur shtim të rasteve.

Mjeku epidemiolog shprehet se ka ardhur koha për një hapje graduale dhe se ardhja e turistëve nga vende ku ka variante të reja të COVID, e rrit rrezikun e hyrjes së këtyre varianteve në vendin tonë.

Në Shqipëri deri më tani kanë mbërritur më shumë se 847 mijë doza të vaksinës kundër COVID, ku vaksinimi masiv vijon me program kalendarik për kategoritë e ndryshme, ndërsa qeveria ka vendosur si objektiv kryerjen e 1 milion vaksinimeve brenda qershorit.

Vaksinimet kanë ndikuar edhe në uljen e kurbës së infektimeve në vendit tonë, ku si rezultat i 3,366 testimeve, dje u konfirmuan pozitivë 14 qytetarë. Ndërkohë, Ministria e Shëndetësisë vendosi edhe mbylljen e pavijoneve COVID në spitalet Rajonale.

Akullore e shëndetshme e bërë në shtëpi (RECETA)

Në stinën e nxehtë të verës mund të themi se akullorja është një nga të preferuara e gjithsecilit prej nesh. Kjo për vetë shijen e ëmbël dhe të freskët që e karakterizon… Përveçse mund ta blini në pikat e shitjes mund ta përgatisni dhe vetë në shtëpi duke ndjekur recetën e mëposhtme!

Përbërësit:                                                                     

• ½ litër puding i gatshëm me shije sipas dëshirës
• Kos
• 1 kupë (filxhan) me fruta të stinës
• Kanellë

Përgatitja:

Në fillim përzihet kosi me frutat e përzgjedhura dhe më pas i shtojmë masën e gatshme të pudingut. Kur akullorja të jetë e përfunduar, duhet të futet në një enë plastike të mbyllur dhe më pas në frigorifer për disa minuta.

Epidemiologu Alimehmeti shpjegon sa mund të shtyhet marrja e dozës së dytë të vaksinës kundër Covid-19

Shqipëria po përparon në vaksinimin e popullsisë duke arritur të injektojë rreth 800 mijë doza në një popullsi që INSTAT vlerëson të jetë jo më shumë se 2.8 milionë banorë.

Një pjesë e qytetarëve janë marrë të dyja dozat kurse qindra mijë të tjerë, vetëm të parën. Por tek këta, javët e fundit ka pasur vonesa në dhënien e dozës së dytë, pasi furnizimet janë reduktuar shumë.

Lind pyetja, deri në sa kohë mund të shtyhet marrja e dozës së dytë të vaksinës pa e dëmtuar këtë proces dhe pa rrezikuar të jetë joefikas.

Epidemiologu Ilir Alimehmeti, thotë se tejkalimi me një javë i afatit për marrjen e dozës së dytë të vaksinës kundër Covid -19, nuk krijon probleme.

Por edhe kjo mbetet një hipotezë për sa kohë nuk ka rezultate studimore që të provojnë se sa duhet të jetë intervali kohor mes dy dozave.

“Pak ditë s’ka pse të ketë ndonnjë efekt, nëse shkon disa javë e sipër nuk mund ta themi dot, se nuk e ka studiuar njëri. Një vonesë e vogël pak ditore, edhe për arsye administrative mund të ndodhë. Pak ditë, deri në një javë, besoj se nuk ka problem”, thotë Dr. Alimehmeti, anëtar i Akademisë së Shkencave.

Pyetja duket se duhet bërë tek prodhuesit, por as ata nuk janë të qartë.

“Më shumë duhet pyetur prodhuesi dhe testuesi që, ku jemi dhe sa kjo vlen dhe sa është e sigurtë”, – thotë Alimehmeti.

E rëndësishme, sipas tij, është që njerëzit të marrin të dyja dozat.

“Me një dozë nuk mund ta ndjejmë veten të sigurtë. Vlen një më mirë se hiç, nëse doza është e një vaksine me efikasitet të lartë me një dozë”, thotë ai duke veçuar se vetëm Pfizer BioNTech dhe Astrazeneca janë më efikase edhe me një dozë.

Por në kushtet kur vaksinimi masiv këtu po bëhet vetëm me vaksinën turke Corona Suspension me formulën e CoronaVac nga kinezja Sinovac, asgjë nuk duket të jetë e sigurt, ndaj zgjidhja më e mirë shihet të jetë mostejkalimi i marrjes së dozës së dytë për më shumë se disa ditë

Komiteti Teknik i Ekspertëve do të mblidhet nesër: Do ketë lehtësim masash

Komiteti Teknik i Ekspertëve do të mblidhet ditën e nesërme për të vendosur për lehtësimin e masave të pandemisë.

Lajmin e ka bërë të ditur Kryeministri Edi Rama, i cili tha se lehtësimi i masave do të bëhet për të pasur një sezon turistik pa kufizime.

“Nesër komiteti do të dalë me planin e ri me lehtësim të mëtejshëm të masave dhe ambicia jonë për të pasur sezon turistik më të lehtësuar besoj që do të përmbushet”, tha Rama nga sheshi Skënderbej ku ndoqi nga afër procesin e vaksinimit të punonjësve të transportit publik

Cikli i çrregullt menstrual: Ja shkaqet dhe pasojat

Pershtati ne shqip: Daniela Burnazi

Një cikël i rregullt menstrual vjen çdo 21 – 35 ditë (nga dita e parë e një cikli deri në ditën e parë të tjetrit), dhe zakonisht zgjat nga 2 në 8 ditë.

Kur keni një ndryshim në ritëm (ciklet vijnë më afër ose më larg njëri – tjetrit, zgjat më shumë ose nuk ju vjen fare), cikli mund të quhet jo i rregullt. Nuk është shumë shqetësuese që ndonjëherë të keni një cikël jo të rregullt, por nëse kjo gjë ndodh shpesh, është koha të konsultoheni me një gjinekolog për të gjetur shkakun.

Ndonjëherë, rregullimi i ritmit të ciklit mund të bëhet duke bërë disa ndryshime në stilin e jetesës, por një cikël jo i rregullt menstrual mund të jetë gjithashtu një shenjë e një problemi serioz me shëndetin. Më poshtë keni 7 arsye se çfarë mund të jetë duke shkaktuar çrregullime në ciklin tuaj menstrual.

Me cikël të rregullt menstrual do të kuptojmë një cikël që vjen në mënyrë të rregullt periodike dhe brenda skemës normale. Një herë në 21 ditë, një herë në 28 ditë dhe një herë në 32 ditë. Çdo deviacion nga kjo skemë quhet çrregullim menstrual. Lindita Myzyri, mjeke gjinekologe pranë Qendrës Shëndetësore nr.3 në Tiranë, flet lidhur mbi këto çrregullime duke renditur edhe shkaqet, që nga faktorët natyrorë si stresi, deri në probleme mjekësore, të tilla si: kistet në vezore, miomat, polipet, infeksionet e ndryshme apo edhe gjendra tiroide.
Çfarë nënkupton një cikël i rregullt menstrual? Me cikël të rregullt menstrual do të kuptojmë një cikël që vjen në mënyrë të rregullt periodike dhe brenda skemës normale. Një herë në 21 ditë, një herë në 28 ditë dhe një herë në 32 ditë. Çdo “shmangie” nga kjo skemë quhet çrregullim menstrual.
Çfarë i shkakton çrregullimet e ciklit menstrual? Para se të themi se çfarë i sjell këto çrregullime, duhet të kuptojmë diçka. Cikli kur vjen për herë të parë tek një femër, nuk është asnjëherë i rregullt. Mund të vijë një herë në muaj, një herë në dy muaj, një herë në tre muaj, derisa organizmi të përshtatet me këtë ndryshesë të re tek femra dhe kjo zgjat dy deri në tre vjet. Nëse nuk stabilizohet edhe pas tre vitesh që të jetë 21, 28 apo 32-ditor, atëherë flasim për një çrregullim të ciklit.
Por çfarë ndikon në këto çrregullime?  Faktorët janë të ndryshëm. Kemi faktorë natyrorë dhe faktorë mjekësorë, por le t’i rendisim me radhë. Faktorët natyrorë:
1-Ciklin mund ta ndryshojë vetë metabolizmi i një 2-Ciklin e ndryshon klima.
3-Cikli ndryshon pas një stresi të kaluar. Çrregullimet që vijnë si pasojë e fenomeneve natyrore, nuk përbëjnë asnjë lloj problemi, mjafton që të gjendet shkaku, ta këshillojmë mirë për secilin nga këto fenomene dhe ta qetësojmë pasi ka shumë rëndësi dhe ana psikologjike.
Shkaqet mjekësore:
1-Kistet në vezore: Kur një femër ka kiste në vezore, patjetër ka dhe çrregullime të ciklit e cila qoftë me një vizitë apo detyrimisht me një eko gjinekologjike përcaktohet se ku është vendosur kisti, masa, natyra dhe përbërja e tij që më pas të vendoset trajtimi.
2- Infeksionet e ndryshme: Veç kisteve, shkak për ndryshimin e periodave mund të bëhen edhe infeksionet e ndryshme tek femra, duke filluar që nga ata banale si p.sh një myk i instaluar prej kohësh dhe i patrajtuar.
3- Miomat: Një cikël menstrual mund ta çrregullojnë edhe miomat e ndryshme ose fibromiomat të cilat vendosen në pjesë të ndryshme të mitrës. Megjithatë jo të gjitha llojet e miomave apo fibromiomave japin çrregullime të ciklit. Çrregullim të ciklit japin vetëm ato që janë të vendosura në pjesën e brendshme të mitrës dhe shoqërohen ose me shumë hemorragji, ose çrregullim të ciklit, një herë në dy muaj, një herë në tre muaj e kështu me radhë.
4- Polipet: Polipet e qafës së mitrës dhe polipet e endometrit (shtresa e brendshme e mitrës) japin gjithashtu çrregullim të ciklit. Gruaja është pothuajse gjatë gjithë kohës me hemorragji, ndoshta jo në sasi, por pika-pika, dhe midis këtyre pikave që quhen spoting, ka shpeshherë dhe ditë të zgjatura me hemorragji.
5- Premenopauza: Një çrregullim tjetër i ciklit, por që është natyral, mund të konsiderohet edhe premenopauza. Femra para se të futet në menopauzë të plotë ka paramenopauzën, ose premenopauzën. Në premenopauzë vezoret fillojnë të reduktohen, të zvogëlohen, të rrudhen dhe folikujt nuk janë më njësoj si në fazën riprodhuese. Kjo sjell ndryshim të ciklit, i cili nga një herë në muaj, tashmë vjen një herë në 2, 3, 4, 5, 6 muaj derisa të bëhet një vit i plotë dhe femra futet në menopauzë, cikli nuk vjen më fare.
6-Tiroidet: Një femër që vuan nga tiroidet ka shumë mundësi të bëjë çrregullime të ciklit menstrual, pasi një TSH e rritur ndikon duke ndryshuar balancën e hormoneve femërore.

Nis sot vaksinimi i punonjësve të transportit publik në sheshin “Skëndërbej”

Këtë të mërkurë do të nisë procesi i vaksinimit për punonjësit e transportit publik.

Punonjësit e transportit public do të marrin dozën e vaksinës në çadrën e ngritur prej disa javësh në sheshin “Skëndërbej” ku dhe po kryhet procesi i vaksinimit masiv të popullatës.

Ndërkohë në ditët në vijim, ky proces do të vijojë edhe me vaksinimin e punonjësve të transportit ndërqytetës.

Vaksinimi në vendin tonë po vazhdon prej javëve të para të Janarit, me vaksinat Pfizez, Astra-Zeneca, Sputnik V dhe ato kineze, ndërkohë që objektivi i Ministrisë së Shëndetësisë është të arrihen 1 milionë vaksinime deri në muajin qershor.

Procesi po ecën me ritme të shpejta dhe deri më tani janë vaksinuar mbi 730 mijë persona.

Vaksinimet kanë ndikuar edhe në uljen e kurbës së infektimeve në vendit tonë, ku si rezultat i 3,366 testimeve, dje u konfirmuan pozitivë 14 qytetarë.

Vaksinimi në Europë, shtetet e varura nga turizmi e përshpejtojnë; Shqipëria me ritme të ngadalta

Italia dhe Spanja, dy shtete që kanë varësi të lartë nga turizmi kanë përshpejtuar ndjeshëm ritmet e vaksinimit gjatë javëve të fundit.

Il Sole24 ore shkuan se Italia u rendit ndër shtetet e para në Europë për përqindjen e popullsisë që është vaksinuar plotësisht, së bashku me Spanjën, sipas të dhënave të Our World In Data të Universitetit të Oksfordit, duke qenë mbi mesataren europiane.

Italia shpreson të administrojë 17 milionë doza në maj dhe 20 milionë në qershor, në mënyrë që të vaksinojë të gjithë në prag të sezonit turistik duke i “çliruar” të gjithë, që t’i hapet rrugë rimëkëmbjes së ekonomisë, e cila ka një varësi të lartë nga turizmi.

Sipas të dhënave të faqes (azhurnuar në 22 maj) në Evropë 13.1% e popullsisë ka përfunduar ciklin, ndërsa në Itali janë 15.75% dhe në Spanjë 16.8%, që ndiqen nga Franca (14.2%) dhe Gjermania (13.1%). Ndër vendet që kanë marrë të paktën një dozë, Gjermania kryeson “renditjen” e Bashkimit Europiane me 39.1%, ndërsa Italia ka vaksinuar 33.5% të popullsisë. Mesatarja e Europës është në 28%.

Në të gjithë Europën vijon të kryesojë Mbretëria e bashkuar, me gati 60% të popullsisë që ka marrë të paktën një dozë dhe mbi 30% që është vaksinuar plotësisht. Pas Mbretërisë së Bashkuar, për vaksinimin total renditen Hungaria dhe Serbia.

Në nivel global, grafikët tregojnë ndryshimet e mëdha në shkallën e vaksinimit, ku Izraeli, Britania e Madhe dhe SHBA-të janë shumë përpara vendeve të tjera perëndimore dhe mbi 50% të popullsisë së mbuluar me të paktën një dozë. Ndërsa Brazili dhe India., të cilat janë ndër vendet më të prekurat nga pandemia, kanë përkatësisht 18% dhe 10% të popullsisë që kanë marrë të paktën një dozë, ndërsa shumë vende afrikane nuk kanë dhënë as edhe një dozë.

Shqipëria, ndër të fundit e Europës

Ritmet e vaksinimit janë ngadalësuar në Shqipëri javët e fundit, ndonëse me afrimin e turizmit pritej të ndodhte e kundërta. Sipas të dhënave të Our World in Data, gati 9% e popullsisë është vaksinuar plotësisht, ndërsa rreth 8% ka marrë vetëm një dozë, duke bërë që rreth 17% e popullsisë të ketë marrë të paktën një dozë. Shqipëria ia kalon në ritmet e vaksinimit vetëm shteteve të rajonit (përveç Serbisë) dhe vendeve të ish Bashkimit Sovjetik (shih grafikun).

Sipas të dhënave zyrtare të Ministrisë së Shëndetësisë janë administruar në total rreth 725 mijë doza vaksinash në vend (Prej tyre 249,898 qytetarë i kanë marrë të dyja dozat e vaksinës antiCOVID), ndërsa plani është që numri i tyre të arrijë në 1 milion brenda majit. Ritmet e vaksinimit u ngadalësuan dy javët e fundit për shkak të mungesës së vaksinës kineze, e cila është administruar për pjesën më të madhe të të vaksinuarve. Pas ardhjes së dozave, procesi ka rifilluar normalisht. 475 mijë persona në vend kanë marrë të paktën një dozë të vaksinës deri në 24 maj, gjysma e të cilëve janë vaksinuar tashmë plotësisht./ Monitor.al

COVID-19/ 14 raste të reja dhe 2 viktima në 24 orë

Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Situata e COVID19 në 24 orët e fundit është si vijon: Janë kryer 3,366 testime, nga të cilat kanë rezultuar pozitivë 14 qytetarë.

Rastet pozitive të konfirmuara janë identifikuar në këto bashki: 2 raste në Tiranë, Malësi e Madhe, Memaliaj, Skrapar, 1 rast në Shkodër, Durrës, Fier, Devoll, Tropojë, Prrenjas.

Në 24 orët e fundit janë shëruar 81 qytetarë, duke e çuar numrin e të shëruarve në 128,907 që nga fillimi i epidemisë.

Aktualisht në spitalet COVID po trajtohen 43 pacientë nga të cilët 5 pacientë janë në terapi intensive.

Me gjithë përpjekjet e stafit mjekësor betejën me COVID19 nuk e kanë fituar dy qytetarë; 1 qytetar nga Tirana, 1 qytetar nga Durrësi të moshave 69 dhe 74 vjeç. Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Mbyllen pavijonet ‘Covid’ në rrethe/ Manastirliu: Komiteti i Ekspertëve do të vendosë për lehtësim të masave kufizuese

Përmirësimi I situatës epidemiologjike në vend ka bërë që Ministria e Shëndetësisë të vendosë mbylljen e pavijoneve covid në spitalet Rajonale.

Lajmin e dha Ministrja e Shëndetësisë Ogerta Manastirliu teksa e shoqëruar nga kreu I Grupit Parlamentar në Partinë Socialiste Taulant Balla u kthye në spitalin e Elbasanit , nga ku falenderoi bluzat e bardha për kontributin e tyre të vyer përballë virusit të rrezikshëm.

Sipas Manasterliut prej 2 javësh situata në vend është e qendrueshme, ndërsa sfidë tashmë mbetet shërbimi shëndetësor postcovid për pacientët të cilët shfaqin patologji të ndryshme.

Ndërsa rastet që do të kenë nevojë për hospitalizim nga rrethet , sipas ministers do të dërgohen në spitalin covid 1 në kryeqytet.

“Ulja e rasteve positive me covid sipas Manasterliut do të sjellë lehtësim të masave kufizuese, që do të komunikohen nga Komiteti Teknik I Ekspertëve”- tha ministrja e Shëndetësisë.

 

Manastirliu prezanton një pjesë të ekipit mjekësor shqiptaro-turk të Spitalit Memorial në Fier

Ministrja e Shëndetësise, Ogerta Manastirliu ka prezantuar një pjesë të ekipit mjekësor të Spital Memorial në Fier. Stafi do të ketë një ekip të përbashkët mjekësor dhe infermieror shqiptaro-turk, ndërkohë që dyert e këtij spitali modern do të hapen të enjten.

“Bëhemi gati me stafin e përbashkët shqiptaro-turk për të hapur Spitalin Memorial të Fierit ditën e enjte, pra me datë 27. Sigurisht do të jetë një hapje graduale, me faza, duke filluar nga shërbimi i urgjencës. Gradualisht fillojmë vëmë në funksion këtë spital, këtë vepër të madhe të premtuar për ofrimin e shërbimeve cilësore në nivel terciar”, tha Manastirliu një ditë më parë.

Ministrja e Shëndetësisë deklaroi se në këtë spital, shërbimet do të jenë sipas sistemit të referimit, ashtu sikurse janë në të gjithë spitalet tona publike. Duke e konsideruar një qëndër ekselencë, Manastirliu bëri me dije se Spitali Memorial i Fierit do të ofrojë shërbim për qytetarët e tre rajoneve të jugut, për shërbime që deri tani i kanë marrë në QSUT, duke ulur edhe kohën e pritjes për ekzaminimet. Ministrja Manastirliu vlerësoi bashkëpunimin e stafeve mjekësore për transferimin e dijeve.

“Risia në këtë spital është që do të menaxhohet nga një staf i përbashkët shqiptaro-turk. Është bërë përzgjedhja qoftë e stafit mjekësor, qoftë e stafit infermieror, me një komision ad-hoc të ngritur me prezencën e ekipit turk dhe atij shqiptar. Por nga ana tjetër ky spital do të vlejë shumë për transferimin e dijes dhe teknologjisë. Dhe për këtë arsye kanë mbërritur në këtë fundjavë, edhe një ekip i mjekëve që do të organizojnë punën sipas shërbimeve të përcaktuara”, deklaroi Manastirliu.

Në krye të spitalit të Fierit, ish-drejtoresha e Fondit të Sigurimit

Spitali Memorial i Fierit, një investim i qeverisë turke do nisë nga funksioni ditën e enjte, më 27 maj dhe do ofrojë shërbime të specializuara fillimisht për pacientët e qarqeve, Fier, Vlorë e Gjirokastër.

E sot mësojmë se drejtoresha e këtij spitali, do të jetë Rudina Degjoni, ish-drejtoreshë e Fondit të Sigurimit të Detyrueshëm të Kujdesit Shëndetësor.

Degjoni ishte emëruar në krye të FSDKSH-së në maj të vitit 2019 pas një eksperiencë menaxhuese dhe akademike disavjeçare. dhe u largua nga ky institucion në shtator të vitit 2020.

Prezantimin e saj në krye të spitalit të Fierit, e bëri sot ministrja e Shëndetësisë Ogerta Manastirliu përmes një postimi në “Facebook”.

“Me kënaqësi ju prezantojmë me një pjesë të ekipit mjekësor të Spitalit Memorial”- shkruan Manastirliu ndërsa publikon fotografitë me emrat dhe pozicionet e stafit të spitalit më të ri në Shqipëri.

Kush është Rudina Degjoni

Rudina Degjoni ka përfunduar studimet bachelor dhe master në Athinë, për Menaxhim të Shëndetësisë dhe Mirëqenies Sociale.

Më vonë ka studiuar në Zvicër për Aministrim Biznesi. Po ashtu edhe studimet e doktoraturës në këtë fushë në Zvicër.

Nga viti 2012 ka punuar në Fondin e Sigurimeve Shëndetësore të Shqipërisë. Ajo ka punuar në disa spitale në Shëipëri dhe në Greqi, ku ka mbajtur pozicione si Shefe e Departamentit të Pacientëve, Shefe e Departamentit të Operacioneve, Oficere shërbimi për pacientët, Drejtuese e Departamentit të Shërbimit të Konsumatorëve.

Degjoni është emëruar në krye të Fondit të Sigurimit të Detyrueshëm të Kujdesit Shëndetësor (FSDKSH) në maj të vitit 2019 pas një eksperiencë menaxhuese dhe akademike disavjeçare dhe u largua nga ky institucion në shtator të vitit 2020.

STAFI I SPITALIT MEMORIAL NË FIER:

Përveç mjekëve nga Turqia, spitali është plotësuar në staf me mjekë, infermierë, teknikë e personel mbështetës nga Shqipëria.

Spitali do hapet me faza dhe faza e parë do shërbejë për urgjencat kirurgjikale e shërbimet ambulatore të sëmundjeve të brendshme.

Faza e dytë që nis më 30 qershor do ofrojë shërbime të reja si laboratori i hemodinamikës, urologjia e shërbime të tjera të specializuara, ndërsa faza e tretë do  plotësojë funksionalitetin e spitalit pasi do ofrojë shërbimet e traumës./Hashtag.al

Keni probleme me mëlçinë? Ja një menu ditore se si të ushqeheni (3 vakte)

Shembull për një menu ditore

Mëngjes 

• 1 filxhan çaj jeshil me pak limon të freskët dhe me pak mjaltë.
• 2 feta buke thekre me 2 lugë gjizë pa kripë, ose djathë pa krip me 1 lugë gjelle vaj ulliri të shoqëruara me pak erëza ( koliandër, majdanoz, rigon, hudhër).
• 1 gotë lëng agrumesh të freskëta

Para dreke 

• 10-15 kokrra bajame dhe 1 molle

Dreke

• Sallate me perime te ziera me 1 luge gjelle vaj ulliri
• 150-200gr mish pule ose peshk sardele te pjekur
• 1-2 feta buke thekre

Pas Dreke 

• 1 kupe kos me yndyre te skremuar me ½ lk tumerik, 1 lk mjalt dhe 2 kokrra arra dhe 1 l.gk boronice te thate

Darke 

• Sallate me spinaq te fresket, sallate jeshile, rukola,qepe te njome me erza bimore si majdanoz, koper, koliander me 10 kokrra ullinje me 1 lgj vaj ulliri
• 1 kupe me thjerza me pak hudher, qepe, dafine me vaj uliri dhe pak uthull molle
• 1-2 feta buke thekre

 

Ujë detoks me limon, çaj jeshil dhe kastravec: Pija më e mirë freskuese për verë

Një nga pyetjet më të shpeshta: çfarë të porosis për të pirë! Shumica e pijeve që konsumojmë nëpër lokale janë të ngarkuara me sheqer aq shumë sa mund të arrijnë kaloritë e një vakti të tërë! Të tjera që tregtohen si “light” ose “dietike” përmbajnë ëmbëltues artificialë për të cilët kemi me të vërtet rezerva. Cila do të ishte pija ideale e cila mund të na freskojë dhe njëkohësisht të na ofrojë antioksidues me shumicë pa as edhe 1 kalori të vetme.

Për të bërë 2 litra çaj të ftohtë do t’ju nevojiten:

1l ujë
2 bustina çaj  jeshil
2 limonë
2 laim
¼ kastraveci i prerë në feta
1 tufë gjethe menteje (ndryshe nenexhik)
1 litër ujë të gazuar
Akuj

Përgatitja:

Zieni 1l ujë. Lëreni të ftohet për 10 minuta dhe hidhni bustinat dhe gjysmën e mentes. Lëreni edhe 5-10 minuta të tjera.
Shtrydhni limonët dhe laim-et. Lini disa feta për dekor.
Kur përzierja të jetë ftohur, hidhini fetat e kastravecit dhe gjysmën e mbetur të gjetheve të mentes.
Përzieni me ujin me gaz dhe akujt përpara servirjes. Vendosni për bukuri 1 fetë limoni dhe laim-i

Wall Street Journal: Personeli i laboratorit të Wuhan-it ka kërkuar trajtim spitalor para shpërthimit të Covid-19

Tre studiues të Institutit të Virologjisë në Wuhan të Kinës kishin kërkuar trajtim spitalor në nëntor të vitit 2019, një muaj para se Kina të raportonte rastet e para të COVID-19, njoftoi të dielën gazeta Wall Street Journal, duke cituar një raport të inteligjencës amerikane.

Zëdhënësja e Shtëpisë së Bardhë Jen Psaki tha të hënën se Shtetet e Bashkuara nuk mund të konfirmojnë raportin e gazetës Wall Street Journal mbi origjinën e COVID-19 dhe kishte nevojë për më shumë informacion. Psaki tha se Shtetet e Bashkuara shpresojnë që Organizata Botërore e Shëndetësisë mund të lëvizë drejt një hetimi më transparent të origjinës së pandemisë së koronavirusit.

Gazeta tha se raporti që nuk ishte publikuar më parë dhe që ofron detaje të reja mbi numrin e studiuesve të prekur, kohën e sëmurjes së tyre dhe vizitat e tyre në spital, mund të intensifikojë thirrjet për një hetim më të gjerë mbi faktin nëse virusi i COVID-19 mund të ketë rrjedhur nga laboratori kinez. Gazeta Wall Street Journal tha se zyrtarë aktualë dhe ish-zyrtarë të njohur me raportin e inteligjencës shprehën një sërë pikëpamjesh në lidhje me fuqinë e provave mbështetëse të raportit. Një person, që kërkoi të mbetej anonim, tha se ishin të nevojshme “hetime të mëtejshme dhe vërtetime shtesë”.

Rastet e para të asaj që do të njihej përfundimisht si COVID-19 u raportuan në fund të dhjetorit të vitit 2019 në qytetin qendror kinez të Wuhan-it, ku ndodhet laboratori i specializuar në kërkimet për koronavirusin. Shkencëtarët dhe zyrtarët kinezë vazhdimisht kanë hedhur poshtë hipotezën e rrjedhjes së virusit nga laboratori, duke thënë se SARS-CoV-2 mund të ketë qarkulluar në rajone të tjera para se të godiste Wuhan-in, dhe madje mund të ketë hyrë në Kinë nga një vend tjetër përmes dërgesave të importuara të ushqimeve të ngrira ose tregtisë së shtazëve të egra.

Zëdhënësi i ministrisë së jashtme të Kinës, Zhao Lijian, tha të hënën se ishte “plotësisht e pavërtetë” që tre anëtarë të personelit në laboratorin e Wuhanit ishin sëmurë. “Shtetet e Bashkuara vazhdojnë të përhapin teorinë e rrjedhjes së virusit nga laboratori”, tha ai. “A po kërkojnë (Shtetete e Bashkuara) gjurmimin e origjinës apo thjesht po përpiqen të zhvendosin vëmendjen diku tjetër?”, pyeti zyrtari kinez.

Raporti i gazetës amerikane u botua në prag të një takimi të organit vendimmarrës të Organizatës Botërore të Shëndetësisë, i cili pritet të diskutojë fazën tjetër të një hetimi mbi origjinën e COVID-19. I pyetur në lidhje me raportin, zëdhënësi i OBSH-së Tarik Jasarevic tha përmes postës elektronike se ekipet teknike të organizatës tani po vendosnin për hapat e ardhshëm. Ai tha se studimi i mëtejshëm është i nevojshëm për të mësuar mbi rolin e tregut të kafshëve, si dhe hipotezën e rrjedhjes së virusit nga laboratori.

Një zëdhënëse e Këshillit të Sigurisë Kombëtar të Shteteve të Bashkuara nuk kishte asnjë koment mbi raportin, por tha se administrata e Presidentit Biden vazhdon të ketë “pyetje serioze në lidhje me ditët më të hershme të pandemisë së COVID-19, duke përfshirë origjinën e saj brenda Republikës Popullore të Kinës”. Ajo tha se qeveria amerikane po punon me OBSH-në dhe vendet e tjera anëtare për të mbështetur një vlerësim të drejtuar nga ekspertët për origjinën e pandemisë “që është i lirë nga ndërhyrjet ose politizimi”. “Ne nuk do të bëjmë deklarata që paragjykojnë një studim të OBSH-së mbi burimin e SARS-CoV-2, por kemi qenë të qartë se teoritë e arsyeshme dhe të besueshme nga pikëpamja teknike duhet të vlerësohen plotësisht nga ekspertët ndërkombëtarë”, tha ajo.

Në një studim të përbashkët mbi origjinën e COVID-19 nga OBSH-ja dhe Kina të botuar në fund të marsit thuhet se është “jashtëzakonisht e vështirë” që virusi të ketë rrjedhur nga një laborator. Por, Kina u akuzua për mungesë të transparencës dhe për mosdhënien e të dhënave të papërpunuara për rastet e hershme të COVID-19 ekipit të OBSH-së, dhe për këtë arsye Shtetet e Bashkuara, Bashkimi Evropian dhe vende të tjera perëndimore i kanë bërë thirrje Pekinit që t’u japë “qasje të plotë” ekspertëve të pavarur.

Një raport faktik i Departamentit të Shtetit, i publikuar në fund të mandatit të administratës së Presidentit Trump thotë se “qeveria amerikane ka arsye të besojë se disa studiues brenda Institutit të Virologjisë në Wuhan u sëmurën në vjeshtë të vitit 2019, para shfaqjes së rastit të parë të identifikuar të koronavirusit, me simptomatë ngjashme me ato të COVID- 19 dhe sëmundjet e zakonshme sezonale”. Raporti nuk përmend numrin e studiuesve të sëmurë./VOA

Drejtori i OBSH: 115 mijë punonjës të shëndetësisë në botë kanë humbur jetën në luftën kundër COVID-19

Drejtori i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, tha se parashikojnë që të paktën 115 mijë punonjës të shëndetësisë në botë kanë humbur jetën në luftën kundër koronavirusit të ri (COVID-19).

Në qytetin Gjenevë të Zvicrës filloi nëpërmjet video-konferencës Asambleja e 73-të Botërore e Shëndetit (ABSH) e cila është organi vendimmarrës më i lartë i OBSH-së. “Pothuajse për 18 muaj, punonjësit e shëndetësisë dhe ato të kujdesit në mbarë botën po qëndrojnë në një vend mes jetës dhe vdekjes. Kanë shpëtuar jetë të panumërta”, tha në një fjalim gjatë asamblesë Ghebreyesus.

Shumë punonjës të shëndetësisë në të gjithë botën janë prekur nga COVID-19 në luftën e tyre kundër COVID-19, tha Ghebreyesus, i cili shtoi se “Edhe pse raportimet janë të pamjaftueshme, parashikojmë se të paktën 115 mijë punonjës të shëndetësisë dhe punonjës të kujdesit kanë paguar çmimin më të rëndë (kanë humbur jetën) teksa ofronin shërbim ndaj të tjerëve”.

Ghebreyesus theksoi se të gjithë duhet të kryejnë detyrën për të garantuar sigurinë e punonjësve të shëndetësisë dhe se prodhuesit duhet të rrisin furnizimin e pajisjeve të mbrojtjes personale. Drejtori i përgjithshëm i OBSH-së nënvizoi se shumë punonjës të shëndetësisë në nivel global e ndiejnë veten të pashpresë dhe të pambrojtur për shkak të mungesës së pajisjeve mbrojtëse personale dhe mungesës së qasjes në mjetet e tjera vaksinuese.

“Punonjësit e shëndetësisë kanë kryer punë ‘heroike’, por ata nuk janë ‘super heronj’. Edhe ata janë njerëz si ne. Djersitin, nervozohen, qeshin dhe qajnë”, u shpreh Ghebreyesus. Ghebreyesus, u ngrit në këmbë dhe duartrokiti për nder të punonjësve të shëndetësisë që luftojnë në të gjithë botën me COVID-19.

Gjykata Adiminstrative jep vendimin: Uji që furnizohet Tirana i dëmshëm

Gjykata Administrative e Tiranës ka pranuar të Hënën, se cilësia e ujit që furnizohet kryeqytetit është jashtë parametrave që garantojnë cilësinë e konsumimit.

Me një vendim të paprecedentë Gjykata ka ngarkuar shoqërinë civile të ‘mbikëqyrë’ shoqërinë shtetërore Ujësjellës Kanalizime Tiranë sh.a, në masat që do të ndërmarrë në përmirësimin e cilësisë së ujit.

Në vitin 2017, ‘Qendra Res Publika’ dhe shoqata ‘Impetus’ iu drejtuan gjykatës së Tiranës për të detyrua ndërmarrjen e Ujësjellës Kanalizime të ndërmarrë masave që garantojnë cilësinë e ujit të pijshëm në qytetin e Tiranës.

Sipas, akt-padisë, në zona të ndryshme të Tiranës, niveli i escherichia coli (bakter i dëmshëm për shëndetin) është më shumë se norma e lejuar sipas rregullores për ujin e pijshëm.

E njëjta gjë ndodh dhe me nivelin e streptococci faecal, bakter i dëmshëm për shëndetin, ndërsa niveli i Klorit (kimikat) rezulton shpesh herë të jetë mbi 0.5 (norma maksimale e lejuar nga VKM nr. 379, dt. 25.05.2016.

‘Ka rezultuar se analizat mikrobiologjikë apo kimikë që garantojnë cilësisë së ujit të pijshëm. janë bërë nga një laborator i pa akredituar, duke mos dhënë asnjë garanci për asnjë parametër’-thuhet në akt-padi.

Pas katër vjetësh betejë ligjor, Qendra Res Publika ia ka dalë të sigurojë nga gjykata një vendim, të paprecedent, i cili do të ndikojë në përmirësimin e cilësisë së ujit në kryeqytet.

Gjykata urdhëroi Ujësjellës Kanalizime Tiranë sh.a. të monitorojë dhe të analizojë të gjitha parametrat e ujit të pijshëm në Tiranë. Sipas vendimit, ndërmarrja e Ujësjellës- Kanalizime është e detyruar që këto rezultate të analizave ti dërgojë në Institutin e Shëndetit Publik, për të përcaktuar masat që duhet të merren për të përmirësimin cilësisë së ujit.

Po kështu, gjykata urdhëroi ndërmarrjen Ujësjellës -Kanalizime Tiranë të raportojë tek ‘Qendra Res Publika’ dhe shoqata ‘Impektus’ rezultatet periodike të analizave si dhe masat që do të ndërmar kjo ndërmarrje që do të çojnë në garantimin e cilësisë së ujit të pijshëm.

Avokati Dorial Matlia e konsideroi vendim si një hap të rëndësishëm që do të ndikojë në përmirësimin e gjendjes së furnizimit me ujë të pijshëm të kryeqytetit.

Të enjten hapet Spitali Memorial i Fierit, Manastirliu: Gati ekipi i përbashkët shqiptaro-turk, do ofrojë shërbim të nivelit terciar

Ministrja e Shëndetësisë dhe Mbrojtjes Sociale Ogerta Manastirliu ka takuar stafin e përbashkët mjekësor dhe infermieror shqiptaro-turk në Spitalin e Ri Memorial të Fierit, ku ka deklaruar se ky spital modern do të hapet ditën e enjte.
“Bëhemi gati me stafin e përbashkët shqiptaro-turk për të hapur Spitalin Memorial të Fierit ditën e enjte, pra me datë 27. Sigurisht do të jetë një hapje graduale, me faza, duke filluar nga shërbimi i urgjencës. Gradualisht fillojmë vëmë në funksion këtë spital, këtë vepër të madhe të premtuar për ofrimin e shërbimeve cilësore në nivel terciar”, tha Manastirliu.
Ministrja e Shëndetësisë deklaroi se në këtë spital, shërbimet do të jenë sipas sistemit të referimit, ashtu sikurse janë në të gjithë spitalet tona publike.
Duke e konsideruar një qëndër ekselencë, Manastirliu bëri me dije se Spitali Memorial i Fierit do të ofrojë shërbim për qytetarët e tre rajoneve të jugut, për shërbime që deri tani i kanë marrë në QSUT, duke ulur edhe kohën e pritjes për ekzaminimet.
“Të gjithë qytetarët e rajonit të jugut, nëpërmjet sistemit të referimit me urgjencën kombëtare do të marrin shërbim të nivelit terciar në këtë spital, por edhe ata të cilët do të referohen nga struktura të tjera, duhet të kalojnë nëpërmjet sistemit të referimit. Ashtu sikurse ndodh për të gjithë spitalet e tjera në vend. E rëndësishme për të theksuar në këtë fazë, është që edhe rastet e referimit të urgjencës do të bëhen nëpërmjet Qendrës Kombëtare të Urgjencës, por edhe rastet e ndërhyrjeve apo ekzaminimeve apo konsultave dhe shtrimeve të planifikuara do të bëhen vetëm me referimin e mjekëve të spitaleve rajonale, spitaleve terciare, apo spitaleve bashkiake kur nuk ofrohen këto shërbime në spitalet rajonale. Duke qenë se është një spital i nivelit terciar dhe do të jetë vërtet një qender ekselence për këto shërbime”, nënvizoi Manastirliu.
Ministrja Manastirliu vlerësoi bashkëpunimin e stafeve mjekësore për transferimin e dijeve.
“Risia në këtë spital është që do të menaxhohet nga një staf i përbashkët shqiptaro-turk. Është bërë përzgjedhja qoftë e stafit mjekësor, qoftë e stafit infermieror, me një komision ad-hoc të ngritur me prezencën e ekipit turk dhe atij shqiptar. Por nga ana tjetër ky spital do të vlejë shumë për transferimin e dijes dhe teknologjisë. Dhe për këtë arsye kanë mbërritur në këtë fundjavë, edhe një ekip i mjekëve që do të organizojnë punën sipas shërbimeve të përcaktuara”, deklaroi Manastirliu.
Spitali Rajonal Memorial i Fierit, i ndërtuar në një kohë rekord, investim i Republikës së Turqisë, do të ofrojë shërbime të nivelit terciar, për të gjithë Rajonin e Jugut. Me një kapacitet 150 shtretër, në këtë spital do të aplikohet për herë të parë modeli i autonomisë spitalore.
Spitali Memorial Rajonal Fier do të ofrojë shërbimin e urgjencës, kirurgjisë, neurokirurgjisë, kirurgjisë kardio-vaskulare, mjekësisë interne, kardiologjisë, neurologjisë, sëmundjeve infektive, pneumologjisë, shërbimin e ortopedisë dhe traumatologjisë, etj.

Laboratorët me koncension penalizojnë pacientët me hepatit B, nuk bëjnë dot analizën

Në qershor të vitit të kaluar koncensionari për shërbimin laboratorik ka nisur nga puna, pa u penguar nga pandemia COVID-19. Koncesionari ka marrë në dorëzim ambientet laboratorike në Spitalin “Nënë Tereza” dhe në të gjitha spitalet e tjera të vendit. Por, duket se ky koncension po krijon vështirësi për disa kategori pacientësh, sikurse është rasti I pacientëve me hepatit. Këta pacientë kronik, për të monitoruar gjendjen e tyre shëndetësore duhet të kryejnë detyrimisht një set analizash çdo muaj/vit. Pacientët pretendojnë se që prej marrjes me koncension të laboratorëve, pacientët me hepatit nuk bëjnë më një analizë që quhet HBB-DNA.

Prej një viti kjo analizë nuk bëhet në QSUT çka i detyron pacientët ti drejtohen një laboratori ose spitali privat që ja mundëson këtë shërbim. Kryerja e kësaj analize tek privati kushton 253 mijë lekë të vjetra.

I tillë është edhe rasti i A.B nga rrethet , i diagnostikuar me hepatit B kronik i cili shprehet duke thënë për gazetën “Shëndeti Online” se:

“ Unë vuaj nga Hepatiti B kronik dhe mjekja gastrohepatologe më ka dhënë për të bërë këtë analizë këtu tek Qendra e Konsultave në QSUT. Vij këtu  për ta bërë por  më thonë që kjo analizë nuk bëhet më tek ne që prej një viti. Po të shkoj ta bëj tek privati nuk kam lekë ta paguaj, nuk kam të ardhura të mjaftuEshme. Unë jam familjar me 6 persona në shtëpi , marr vetëm KEMP si të ardhur edhe bashkëshorten e kam të pa punë. Unë kam qenë dhe në Gjermani për tu kuruar për Hepatitin B dhe atje ma bënin çdo muaj analizën, u riktheva në Shqipëri por këtu jo një herë në muaj por as një herë në vit nuk mund ta bëj.”

Gazetarët e shëndetit online u interesuan tek Qendra e Konsultave në QSUT ku u informua se :

Pas dhënjes me koncesion të laboratorit në QSUT kjo analizë NUK  është më e përfshirë në listën e analizave që të cilat bëhen në QSUT.

 

 

Keni çrregullim të ciklit menstrual? Ja cilat janë shkaqet kryesore

Mesatarja e ciklit menstrual është 28 ditë i gjatë por mund të variojë nga 24 deri në 38 ditë. Nëse një cikël menstrual është më i shkurtër një person mund të përjetojë perioda që zgjasin më shumë se një në muaj. Ndërkohë ndryshimet menstruale në cikël janë të pazakonta, përjetimi i dy periodave frekuentive në një muaj mund të tregojë disa çështje të fshehura.

Disa raste të mundshme

Si shkak e të paturit e 2 perioda në një muaj përfshijnë:

1. Anomalia një herë

Një person herë pas here mund të ketë një cikël më të shkurtër menstrual që përfshin dy periudha në muaj. Ky ndryshim i rastit është arsyeja pse mjekët kërkojnë modele të qëndrueshme të gjakderdhjes së shpeshtë përpara se të bëni një diagnozë ose të sugjerojnë trajtime përveçse nëse ekziston një infeksion ose çështje më serioze.

2. Mosha e re

Ciklet e parregullta menstruale janë të zakonshme tek të rinjtë që sapo kanë filluar të kenë periudha. Njerëzit kanë tendencë të kenë cikle menstruale më të shkurtra ose ndonjëherë më të gjata gjatë pubertetit, gjë që mund të çojë në ato që të kenë dy periudha në 1 muaj. Nivelet e hormonit luhaten dukshëm gjatë pubertetit. Hulumtimet sugjerojnë që cikli menstrual i një personi të ri mund të zgjasë rreth 6 vjet për t’u bërë i rregullt nga koha kur fillojnë të kenë periudha.

3. Endometrioza

Endometrioza është një gjendje ku indet që janë të ngjashme me indet e mitrës rriten në zona të tjera të trupit. Endometrioza mund të shkaktojë dhimbje barku, ngërçe anormale dhe gjakderdhje të parregullt. Ndonjëherë, gjakderdhja mund të jetë aq e rëndë sa të duket si një periudhë tjetër. Një mjek mundet, në disa rrethana, të diagnostikojë endometriozën duke përdorur një provim të legenit dhe ultratingujve. Sidoqoftë, një operacion i vogël i quajtur laparoskopi është mënyra e vetme përfundimtare për të diagnostikuar gjendjen.

4. Perimenopauza

Perimenopauza i referohet viteve që çojnë deri në menopauzë kur hormonet e një personi fillojnë të ndryshojnë. Perimenopauza mund të zgjasë deri në 10 vjet. Gjatë asaj kohe, njerëzit shpesh përjetojnë cikle të çrregullta menstruale,  përfshirë këtu cikle më të shkurtër ose më të gjatë, periudha të kalimit, ose duke përjetuar gjakderdhje më të rëndë ose më të lehtë. Kur dikush nuk ka pasur periudha për 12 muaj rresht, ata janë në menopauzë.

5. Probleme me tiroide

Tiroidja është një gjendër, e cila është përgjegjëse për rregullatorin  e proceseve hormonale në trup. Kjo gjendër e vogël, në formë fluture, është e pozicioniuar  përpara fytit dhe kontrollon funksionet, të tilla si temperaturën e trupit dhe metabolizmin. Ciklet e parregullta menstruale janë një simptomë e zakonshme që shoqërohet me probleme të tiroides. Kjo është e vërtetë si në tiroide nën aktive ashtu edhe në hipotiroidizëm dhe në tiroide tepër aktive ose në hipertiroidizëm. Sipas Departamentit Amerikan të Shëndetit dhe Shërbimeve Njerëzore Trusti i Besuar, një në tetë gra mund të përjetojë probleme tiroide gjatë jetës së tyre.

Simptomat  përfshijnë:

• Gjiithmonë keni ftohtë
• Kapsllëk
• Ndjeheni të lodhur gjatë gjithë kohës
• Gjakderdhje e rëndë menstruale
• Lëkurë të zbehtë
• Fytyrë e fryrë
• Ritmi i ngadaltë i zemrës
• Shtim i pashpjegueshëm i peshës

Simptomat e hipertiroidizmit përfshijnë:

• Fryrja e syve
• Diarre ose lëvizje të shpeshta të zorrëve
• Vështirësi për të fjetur
• Nervozizëm
• Ritmi i shpejtë i zemrës
• Humbje e pashpjegueshme e peshës

Të dyja kushtet janë të shërueshme, kështu që njerëzit duhet të kontrollohen te një mjek nëse mendojnë se mund të kenë një gjendje tiroide.

Simptoma të tjera kur një person duhet patjetër të kontaktojë një mjek janë:

• Ndjesia e dobët
• Dhimbje ose gjakderdhje gjatë marrëdhënies seksuale
• Dhimbje pelvike
• Ndryshimi i pashpjegueshme i peshës, përfshirë  humbjen e peshës

Ndryshimet në ciklin menstrual janë më të zakonshme gjatë pubertetit dhe në vitet që çojnë në menopauzë./pernenat

Gara për prodhimin e pilulës për trajtimin e COVID-19

Në fillim të vitit 2020, teksa një koronavirus i ri vdekjeprurës nisi të përhapej në mbarë botën, kompania farmaceutike Pfizer Inc, themeloi një ekip me shkencëtarë dhe kimistë elitë, për të identifikuar mënyra se si të trajtohej sëmundja COVID-19.

Gjiganti farmaceutik nga Shtetet e Bashkuara, që nisi të eksplorojë zhvillimin e një vaksine, gjithashtu dëshironte që të prodhonte një pilulë, e cila do të ndalonte që infeksioni të përhapej, njësojë sikurse përdoret ilaçi Tamiflu për të luftuar gripin e zakonshëm. Ekipi bëri kërkime për të gjetur përbërës të papërdorur të molekulave që do të ndihmonin për nisjen e procesit, dhe shumë shpejt identifikuan një kandidat premtues, shkruan Reuters.

Më shumë se një vit më vonë, Pfizer ende nuk ka filluar provat në shkallë të gjerë për trajtimin në mënyrë orale të COVID-19, por thotë se shpreson që prova të tilla të nisin në korrik.

Pfizer dhe rivalët e tij, përfshirë kompaninë me seli në SHBA, Merck & Co Inc dhe kompaninë farmaceutike zvicerane, Roche Holding AG, janë në garë për të prodhuar pilulën e parë antivirale, që njerëzit mund ta marrin sapo të kenë shenjat e para të sëmundjes. Këto kompani ndajnë një qëllim: që të mbushin një vrimë që gjendet në trajtimin e COVID-19, duke i ndihmuar njerëzit që janë infektuar së fundmi me koronavirus që të mos sëmurën rëndë dhe të kërkojnë hospitalizim.

Por, pas pothuajse 18 muajsh të pandemisë, ende nuk ka një trajtim që administrohet lehtë, e që është dëshmuar se është efektiv ndaj COVID-19, sëmundjes që e shkakton koronavirusi. Kjo ndodh edhe për faktin se janë zhvilluar një numër i vaksinave efektive kundër COVID-19, përfshirë edhe vaksinën që Pfizer ka zhvilluar me partnerin gjerman, BioNTech, e që mori autorizimin për përdorim në SHBA dhjetorin e vitit të kaluar.

Përvoja e Pfizerit është dëshmi për sfidat që përballen kompanitë farmaceutike për zhvillimin e trajtimeve orale për virusin. Për dallim nga vaksina, e cila duhet vetëm të nxisë sistemin imunitar të trupit, një pilulë efektive antivirale duhet ta bllokojë shpërndarjen e virusit në gjithë trupin dhe në të njëjtën kohë, të jetë mjaftueshëm selektive, që të shmangë interferimin në qelizat e shëndosha.

Testimi i ativiralëve po ashtu është gjë e vështirë, thonë drejtuesit e kompanisë. Një ilaç duhet të merret në fazën fillestare të infektimit, do të thotë se për provat në shkallë të gjerë, duhet të gjenden njerëz që rishtazi janë infektuar me COVID-19. Shumë njerëz që infektohen me koronavirus, shfaqin vetëm simptoma të buta, por studimet duhet të dëshmojnë se pilula ka një ndikim të rëndësishëm në shëndetin e një pacienti.

Shefi ekzekutiv i Pfizerit, Albert Bourla tha se kompania do të kërkojë autorizim emergjent në SHBA për përdorimin e pilulës COVID-19, më së largu deri në fund të këtij viti.

“Tani për tani, kemi arsye të forta të besojmë se mund të jemi të suksesshëm”, tha Bourla javën e kaluar, teksa foli përmes video-lidhjes në një forum ekonomik të mbajtur në Greqi.

Pfizer dhe rivalët e tij, thonë se procesi i zhvillimit të pilulës është më i shpejt, pasi më herët duheshin disa vite që të prodhohej një pilulë.

Kompanitë Merck dhe Roche, së fundmi kanë nisur testimet në shkallë të gjerë të njerëzve dhe gjithashtu kanë thënë se pilulat e tyre do të jenë të gatshme për përdorin më vonë gjatë këtij viti. Merck po e zhvillon ilaçin në bashkëpunim me kompaninë Ridgeback Biotherapeutics LP dhe Roche po punon së bashku me Atea Pharmaceuticals Inc.

Qeveritë në mbarë botën kanë dhënë miliarda dollarë për zhvillimin e vaksinave, por Pfizer, Merck dhe Roche thonë se nuk kanë pranuar fonde qeveritare për të zhvilluar pilulat kundër sëmundjes COVID-19.

“Në kërkim të Tamiflu-së së re”

Teksa shkalla e infeksionit me koronavirus në disa shtete ka rënë, disa shtete të tjera po përballen me përhapje të shpejtë të virusit. Për më tepër, shumë shtete po përballen me mungesë të furnizimeve me vaksina dhe sipas trendit, shumica e qytetarëve të botës nuk do të mund të vaksinohen për disa vite. Shumë njerëz, megjithatë, janë të vendosur për të marrë vaksina.

Shkencëtarët parashikojnë se COVID-19 – që ka vrarë mbi 3.5 milionë persona në mbarë botën – mund të shndërrohet në sëmundje sezonale, njësoj sikurse gripi sezonal.

“Ne na duhet një ilaç që do t’i mbajë njerëzit jashtë spitaleve”, thotë Dr.Rajesh Gandhi, profesor dhe specialist i sëmundjeve ngjitëse në Shkollën e Mjekësisë të Harvardit.

Doktorët kanë provuar një numër të pilulave ekzistuese për ta trajtuar COVID-19, por asnjëra prej tyre nuk ka treguar sukses gjatë testimeve rigoroze klinike.

Aktualisht, metoda e vetme që po tregon se po ndihmon pacientët me COVID-19 që të shmangin shtrirjen në spital janë ilaçet e antitrupave, ku kërkohet marrja e infuzioneve intravenoze. Por, ky lloj trajtimi nuk funksionon aq mirë ndaj varianteve të koronavirusit.

Pifzer dhe rivalët e tij thonë se kandidatët antiviralë, që merren në formë pilule, mund të jenë efektive ndaj një spektri më të gjerë të varianteve të koronavirusit, por kompanitë nuk i kanë bërë publike të dhënat për këto pretendime.

Për pacientët që veçse janë të hospitalizuar për shkak të COVID-19, trajtimi përfshin steroide ose ilaçe anti-inflamatore për të menaxhuar simptomat e infeksionit. Por, këto ilaçe nuk e sulmojnë direkt virusin. I vetmi ilaç që është miratuar në SHBA për trajtimin e COVID-19 është Remdesiviri, që prodhohet nga Gilead Sciences Inc. Ky ilaç jepet në mënyrë intravenoze dhe përdoret vetëm për pacientët e hospitalizuar.

Kompania Gilead aktualisht është duke testuar që Remdesiviri të merret edhe përmes ndonjë forme të inhalimit dhe po shikon edhe për përbërës të tjerë që mund të jenë agjentë efektivë.

“Të gjithë jemi në kërkim të Tamiflu-së së re”, tha shefi për shëndetësi i Gilead, Merdad Parsey.

Tamiflu rekomandohet për personat që kanë simptoma të gripit sezonal jo më shumë se dy ditë dhe ky ilaç ka treguar se shkurton kohëzgjatjen e simptomave të gripit.

‘Kryevepra e kimisë’

Shkencëtarët dhe kimistët e Pfizerit nisën kërkimin për trajtimin me antiviralë, janarin e vitit të kaluar. Shumë shpejt ata u fokusuan në një përbërës që e kishin zbuluar më 2003, kur kompania po kryente hulumtime lidhur me pandeminë e SARS-it, thotë Charlotte Allerton, që udhëheq departamentin për dizajnimin e ilaçeve në Pfizer.

Ky përbërës i takon klasës që njihen si agjentë frenues të proteinave, të dizajnuara për të bllokuar një enzimë kyçe, ose proteinë, që është esenciale që koronavirusi të jetë i aftë të shumëfishohet. Ilaçe të ngjashme përdoren për të trajtuar infeksione të tjera virale sikurse HIV-i apo Hepatiti C, duke i kombinuar edhe me antiviralë të tjerë.

Megjithatë, shkencëtarët e Pfizerit, u përballën me një sfidë. Testimet laboratorike shfaqën se ilaçi ishte aktiv ndaj koronavirusit të ri, të njohur me emërtimin shkencor SARS-CoV-2, por përqendrimi i përbërësve të ilaçit nuk ishte aq i fortë sa të luftonte virusin në trupin e njeriut, tha Allerton.

Pfizer vazhdoi punën me një komponent aktiv të atij përbërësi për të krijuar një ilaç që do të mund të jepej në mënyrë intravenoze. Por, antiviralët më së shumti janë efektiv nëse sëmundja është në fazat e para dhe për ta luftuar sëmundjen, nuk është “e lehtë që të bëhet përmes një ilaçi që jepet në mënyrë intravenoze”, tha Allerton.

Në mars të vitit 2020, shkencëtarët e Pfizerit gjithashtu nisën dizajnimin e një përbërësi që absorbohet përmes stomakut dhe merret si pilulë dhe sipas Allteron, shkencëtarët, në muajin korrik finalizuan dizajnimin e kësaj pilule.

Zbulimi i një agjenti frenues, që mund të merrej në formë të pilulës, “pak a shumë ishte si një kryevepër e kimisë”, tha zyrtari kryesor shkencor i Pfizerit, Mikael Dolsten.

Zhvillimi i antiviralëve është më kompleks sesa i vaksinave sepse ata duhet të targetojnë virusin, që veçse është në trupin e njeriut duke u replikuar në qelizat e tij, por pa dëmtuar qelizat e shëndosha. Vaksinat kundër COVID-19 zakonisht e mësojnë sistemin imunitar të njeriut që të njohë dhe sulmojë një pjesë të proteinës që është specifik për koronavirusin.

Një pilulë kundër COVID-19, me gjasë do të duhej të merrej nga pacientët vetëm për disa ditë, por kompanitë farmaceutike është dashur që të punojnë ngadalë për prodhimin e kësaj pilule, në mënyrë që ajo të jetë e sigurt.

Pilulat e Merck dhe Roche, për dallim nga Pfizeri, përdorin mekanizma të tjerë për të parandaluar shumëfishimin e virusit. Por, të gjitha kompanitë kanë sfida të njëjta, kur bëhet fjalë për testimet.

Një prej tyre është që të sigurohen që pacientët të marrin pilulën shumë shpejt pasi të jenë infektuar me koronavirus.

“E gjitha qëndron në trajtimin e sëmundjes në fazën sa më të hershme të saj, kur virusi është duke u zgjeruar”, tha Dolsten nga kompania Pfizer.

Dhe me nivelet e larta të vaksinimit në disa rajone, provat klinike për pilulën duhet të bëhen në disa shtete, ku COVID-19 po vazhdon të përhapet me ritme të shpejta.

Në marsin e këtij viti, Pfizer nisi në SHBA prova fazës së parë te njerëzit, për pilulën e saj eksperimentale për COVID-19, të njohur si PF-07321332. Po ashtu, vjeshtën e kaluar kompania kreu edhe një provë tjetër për ilaçin që jepet në mënyrë intravenoze.

Dolsten nuk deshi të komentojë se si faza e fundit e provave, e këtyre dy ilaçeve, do të bëhet.

Ilaçi antiviral i Merck, që quhet Molnupiravir, së fundmi është përballur me një sfidë. Kompania tha muajin e kaluar se nuk do ta përdorë këtë pilulë te pacientët që janë të hospitalizuar. Por, kjo kompani tha se do të zhvillojë provat e fazës së fundit, ku do të përfshihet një numër i vogël i pacientëve që nuk janë hospitalizuar – veçanërisht do të përfshihen ata që kanë pasur simptoma të COVID-19 jo më shumë se pesë ditë, dhe se pjesëmarrësit në këto prova duhet të kenë të paktën një faktor të rrezikut nga sëmundjet serioze, siç është mosha e shtyrë, mbipesha apo diabeti.

Kompania Merck tha se do të ketë të dhëna të sakta nga këto prova, në shtator ose në tetor.

Ndërkaq, kompania Roche dhe Atea gjithashtu kanë kufizuar numrin e pjesëmarrësve në fazën e fundit të provave të tyre. Pilula e tyre, që quhet AT-527, do të testohet te pacientët që kanë simptoma të paktën në pesë ditët e fundit. Atea tha se rezultatet e këtyre provave pritet të dalin deri në fund të këtij viti./REL

33 raste të reja me Covid dhe 2 viktima në 24 orët e fundit, si është situata në spitale

33 raste të reja, dy viktima dhe 131 të shëruar është bilanci i COVID-19 për 24 orët e fundit në vendin tonë.

Autoritetet shëndetësore raportojnë se rastet e reja pozitive janë identifikuar në këto bashki: 14 raste në Tiranë, nga 3 raste në Shkodër, Elbasan, Librazhd, nga 2 raste në Devoll, Berat, Pogradec, Skrapar, nga 1 rast në Lezhë, Vau i Dejës. Për dy viktimat e 24 orëve të fundit, bëhet fjalë për një qytetar nga Korça dhe një nga Shkodra, të moshave 56-80 vjeç.

Aktualisht në spitalet COVID po trajtohen 57 pacientë nga të cilët 8 pacientë janë në terapi intensive.

Prej fillimit të pandemisë në vendin tonë janë regjistruar në total 132,209 raste me COVID-19, prej të cilëve; 128,732 janë raportuar të shëruar, 2,444 kanë ndërruar jetë, ndërsa 1,033 janë aktualisht raste aktive.

Statistika (23 Maj 2021)

Raste të reja ditore         33
Të shëruar në 24 orë      131
Të shtruar në spitale      57
Humbje jete në 24 orë   2
Testime ditore                2,512
Testime totale            698,250
Raste pozitive             132,209
Raste të shëruara        128,732
Raste Aktive                  1,033
Humbje jete                  2,444

Shpërndarja gjeografike e rasteve aktive sipas qarqeve:

Tiranë         575

Korçë            114

Shkodër       86

Vlorë             55

Elbasan        42

Berat             41

Lezhë           35

Gjirokastër   35

Fier               23

Kukës           14

Durrës          12

Dibër           1

Pfizer-BioNTech premton 2 miliardë doza për vendet e varfra

Partnerët amerikanë dhe gjermanë të vaksinës Pfizer-BioNTech premtuan një sasi prej 2 miliardë dozash të vaksinës së tyre për vendet me të ardhura të ulëta dhe të mesme si pjesë e një përpjekjeje globale për të mbyllur hendekun e vaksinave midis kombeve të pasura dhe të varfëra.

Kreu Ekzekutiv i kompanisë Pfizer, Albert Bourla e bëri njoftimin në emër të partnerëve farmaceutikë gjatë Takimit Global të Nivelit të Lartë për Shëndetësinë të organizuar në Romë nga Kryeministri Italian Mario Draghi. Në takimin që kishte në qendër pabarazitë e vaksinave në të gjithë botën, merrnin pjesë anëtarë të Grupit të 20 fuqive ekonomike dhe Komisionit Evropian, krahu ekzekutiv i Bashkimit Evropian.

Zoti Bourla tha se një miliard dozat e para të vaksinës së tyre do të dorëzohen këtë vit dhe pjesa tjetër në vitin 2022. Kompanitë farmaceutike të SHBA-së Moderna dhe Johnson & Johnson gjithashtu premtuan dhurime përkatësisht prej 200,000 dhe 100,000 dozash. Bashkimi Evropian u angazhua të kontribuonte “të paktën” 100 milionë doza.

Drejtuesi i takimit, Draghi i quajti dhurimet “të konsiderueshme dhe për t’u admiruar”. Në hapje të takimit virtual, zoti Draghi vuri në dukje se nga gati 1.5 miliardë doza vaksinash që janë administruar në më shumë se 180 vende të botës, vetëm 0.3% janë shpërndarë në vendet me të ardhura të ulëta, ndërsa 85% në vendet më të pasura të botës.

Që kur filloi pandemia, Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus ka paralajmëruar kundër asaj që ai e ka quajtur “nacionalizëm vaksinash”, në të cilin vendet më të pasura grumbullojnë rezerva vaksinash ndërsa vendet e varfra nuk i kanë ato. Ai ka thënë se pandemia nuk do të marrë fund derisa të vaksinohen qytetarët e çdo vendi. OBSH-ja administron mekanizmin ndërkombëtar të vaksinave COVAX, i cili u jep vaksina vendeve me të ardhura më të ulëta./VOA

Pse është e rëndësishme të merrni dozën e dytë të vaksinës kundër COVID-19?

Kohët e fundit ekspertët kanë ngritur shqetësimin e një trendi të ri që është shfaqur. Disa njerëz që kanë zgjedhur të marrin dozën e parë të vaksinave kundër COVID-19, po heqin dorë nga doza e dytë.

Ekspertët e shëndetit theksojnë se doza e dytë jo vetëm që ndërton imunitetin e tufës, por gjithashtu forcon mbrojtjen ndaj COVID-19 dhe ndërlikimet e mundshme.

“Shumë njerëz mendojnë se janë plotësisht të mbrojtur me dozën e parë, por nuk është kështu”, tha Dr. William Schaffner, ekspert i sëmundjeve infektive në Tenesi.
Virusi dhe variantet e tij, kërkojnë “strehues”. Kjo do të thotë që me rritjen e njerëzve të vaksinuar, virusi mund ta ketë më të lehtë të “strehoet” tek ata që nuk janë vaksinuar plotësisht.

Një tjetër arsye e rëndësishme për të kryer vaksinimin e plotë është se vaksina ka bërë të mundur uljen e numurit të vdekshmërisë.
Një studim shqyrtoi mundësitë për të zhvilluar Covid-19 ose për të vdekur prej tij, nga njerëzit e vaksinuar plotësisht dhe pjesërisht.

Rezultoi se vaksinimi i plotë ishte 98% efektiv në parandalimin e vdekjes nga Covid-19. Ndërsa marrja e njërës dozë kishte 64% efektivitet.

Pse njerëzit janë duke e kapërcyer dozën e dytë?
Besimi se marrja e dozës së parë i mbron ata mjaftueshëm, besimi se mbas dozës së dytë mund të infektohen sërish dhe lodhja psikologjike nga koronavirusi, janë disa nga arsyet më të zakonshme.

Ekspertët thonë se nëse e keni marrë dozën tuaj të parë dhe për çfarëdo arsye nuk keni mundur të merrni të dytën, jeni ende në kohë për ta bërë atë.

Vaksinat si për shembull Pfizer dhe Moderna mund të merren deri në 6 javë pas dozës së parë. Megjithatë  nuk ka ende të dhëna për efektivitetin e dozës së dytë të marrë pas periudhës 6-javore.
Plani më i mirë është që njerëzit të vaksinohen brenda harkut kohor të caktuar.

Ulet numri i të prekurve me COVID/ 1,133 qytetarë të infektuar aktivë në vend

Numri i rasteve pozitive me covid sa vjen e ulet në vendin tonë, ku gjatë 24 orëve të fundit janë prekur 23 persona dhe ka ndërruar jetë 1 qytetare 77 vjeçe nga Berati.

Nga 3862 testime kanë rezultuar pozitivë 4 qytetarë në Tiranë, 3 në Vlorë, nga 2 raste në Devoll, Elbasan. Kukës, Vau i Dejës, Skrapar, nga 1 rast në Durrës, Mirditë, Librazhd, Gjirokastër, Sarandë, Shijak.

Në 24 orët e fundit janë shëruar 176 qytetarë,duke e çuar numrin e të shëruarve në 128,601 që nga fillimi i epidemisë.

Aktualisht në spitalet COVID po trajtohen 60 pacientë nga të cilët 9 pacientë janë në terapi intensive.

Që nga fillimi i pandemisë, janë kryer 695,738 testime në total, ku kanë rezultuar 132,176 persona pozitivë dhe janë shëruar 128,601 qytetarë. Numri i rasteve aktive është 1,133 dhe kanë ndërruar jetë 2,442 të prekur me covid.

Tirana kryeson me 670 raste aktive me covid, ndërsa pasohet nga Korça me 115 dhe Shkodra me 85.

Deri një ditë më parë janë kryer 708,074 vaksinime, ndërsa vijon procesi në të gjithë vendin.

“Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.  Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital”, shkruan ministria.

Statistika (22 Maj 2021)

Raste të reja ditore         23

Të shëruar në 24 orë      176

Të shtruar në spitale      60

Humbje jete në 24 orë   1

Testime ditore                3,862

Testime totale            695,738

Raste pozitive             132,176

Raste të shëruara        128,601

Raste Aktive                  1,133

Humbje jete                  2,442

Shpërndarja gjeografike e rasteve aktive sipas qarqeve:

Tiranë         670

Korçë            115

Shkodër       85

Vlorë             58

Elbasan        38

Berat             38

Lezhë           37

Gjirokastër   37

Fier               26

Durrës          14

Kukës           14

Dibër           1

Vetëm kështu fëmija do t’ju tregojë gjithçka; Këshilla nga pediatria Lira Gjika

“Flisni me fëmijën tuaj, duke i treguar dhe jo duke e pyetur. Nëse vërtet doni, që fëmija t’ju tregojë, tregojini ju të parët. Fëmija nuk e ka të lehtë të flasë, apo të tregojë. Fëmija është pikërisht, duke zhvilluar të folurën, të mësuarit e kuptimit të çdo fjale dhe njëkohësisht edhe të menduarit kur, ku dhe si ta përdorë fjalën. I gjithë ky proces kërkon shumë energji, kurajo dhe vullnet. Ndërveprimi me të rriturin është domosdoshmëri. Duke filluar i rrituri ti tregojë i lehtëson fëmijës ankthin që sëbashku me harresën ja vështirësojnë këtë proces kaq të ndërlikuar të të folurit dhe të menduarit. E folura dhe mendimi, nxitin, zhvillojnë dhe plotësojnë njëratjetrën, por pa dialogun i rritur i parritur, nuk zhvillohet në më të mirën e mundëshme. Kjo marëdhënie ose e siguron dhe e nxit të “ecë” përpara fëmijën, ose e pengon dhe e ngatërron nëpërmjet mekanizmave të harresës pasigurisë, dyshimit dhe frikës. Të rritur, kujtoni veten kur duhet të shpjegoni një situatë të vështirë, kështu është fëmija në çdo çast që ju e pyesni”, shkruan Lira Gjika.

Përditësim: 35 raste të reja dhe 1 humbje jete në 24 orët e fundit

Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.
Situata e COVID19 në 24 orët e fundit është si vijon: Janë kryer 3167 testime, nga të cilat kanë rezultuar pozitivë 35 qytetarë.
Rastet pozitive të konfirmuara janë identifikuar në këto bashki: 10 raste në Tiranë, nga 5 raste në Shkodër, Vlorë, 3 në Kurbin, 2 në Korçë, nga 1 rast në Fier, Devoll, Mirditë, Berat, Mat, Sarandë, Delvinë, Vau i Dejës, Prrenjas, Skrapar

Në 24 orët e fundit janë shëruar 556 qytetarë, duke e çuar numrin e të shëruarve në 128,425 që nga fillimi i epidemisë.

Aktualisht në spitalet COVID po trajtohen 61 pacientë nga të cilët 7 pacientë janë në terapi intensive.
Me gjithë përpjekjet e stafit mjekësor betejën me COVID19 nuk e ka fituar 1 qytetar 77 vjeç nga Berati. Ministria e Shëndetësisë dhe Mbrojtjes Sociale i shpreh ngushëllimet familjes.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (21 Maj 2021)
Raste të reja ditore 35
Të shëruar në 24 orë 556
Të shtruar në spitale 61
Humbje jete në 24 orë 1
Testime ditore 3,167

Testime totale 691,876
Raste pozitive 132,153
Raste të shëruara 128,425
Raste Aktive 1,287
Humbje jete 2,441

Pse po vonohet doza e dytë e vaksinës? Mirela Cami sqaron qytetarët: Flisni me mjekun e familjes

Ka pothuajse një javë, që ata të cilët duhet të bënin dozën e dytë të vaksinës Coronavac, nuk u vaksinuan për shkak të mungesës së vaksinës. Përveç Tiranës, mungesa janë krijuar edhe nëpër qendra shëndetësore në rrethe.

Këtë të mërkurë, ka marrë miratimin në qeveri, sasia prej 500 mijë vaksinash të tjera, të cilat pritet të mbërrijnë së shpejti. Ekspertët e vaksinimit u bëjnë apel qytetarëve, që nuk ka vend për t’u shqetësuar, pasi shtyrja në kohë e dozës së dytë nuk krijon asnjë problem.

Për të sqaruar këtë ishte në një lidhje “Skype” me emisionin “Wake Up”, Drejtoreshë e Operatorit të Kujdesit Shëndetësor, Mirela Cami.

Jeni shprehur si autoritete shëndetësore se problemet e krijuara me mungesën e vaksinës Coronavac, si në Tiranë edhe në rrethe, pritet të zgjidhen këto ditë. Kur saktësisht?

Përsa i përket procesit të vaksinimit dua të theksoj se ne kemi ndjekur strategjinë e kryerjes së sa më shumë vaksinave si dozë e parë. Me qëllim që të sigurojmë mbulesë dhe një shtrirje sa më të gjerë të kësaj vaksine në popullatë. Dhe sa u takon dozave të dyta, ne jemi duke punuar me një ritëm dhe kapacitet jo të plotë, pasi jemi në pritje të mbërritjes së sasisë së dozave të Sonovac-ut nga Turqia. Dua të bëj me dije se procesi i vaksinimit nuk është ndërprerë për asnjë moment në të gjithë vendin, qoftë me doza të para e qoftë me doza të dyta. Jo vetëm në Tiranë, por në të gjithë vendin ka një vijueshmëri të procesit.

Edhe ekspertët e thonë që shtyrja me disa ditë e aplikimit të dozës së dytë të vaksinës nuk përbën asnjë problem nga pikëpamja shëndetësore. Ne u kemi kërkuar të gjithë mjekëve të familjes që të komunikojnë me qytetarët, me individët që e kanë kryer dozën e parë, për të komunikuar në lidhje me datën se kur do të kryhet doza e dytë.

U kërkoj qytetarëve që të jenë në komunikim të vazhdueshëm me mjekun e tyre të familjes për të marrë informacionin mbi datën e kryerjes të kësaj doze të dytë të vaksinës. Por gjithsesi ne kemi vijuar, nuk e kemi ndërprerë në asnjë moment. Por jemi në kapacitetin jo të plotë.

 

 

Raporti i “Health Data”: Shqipëria e katërta në botë për vdekjet e larta reale nga Covid-19, në raport me popullsinë; 6 herë më shumë se deklarimet zyrtare

Shqipëria renditet e katërta në botë për nivelin e vdekjeve reale nga Covid-19 në raport me popullsinë, pas Azerbajxhanit, Bosnjë Hercegovinës dhe Bullgarisë.

Të dhënat janë publikuar nga “Health Data”, një institut amerikan për vlerësimin e shëndetit. Sipas raportit, Shqipëria kishte në total 529 vdekje për 100 mijë banorë, për periudhën mars 2020 deri në maj 2021, duke u renditur e katërta ndër 20 vendet me vdekjet reale më të larta nga Covid-19.

Pas Shqipërisë renditet Meksika (478 vdekje për 100 mijë banorë), e ndjekur nga Maqedonia e Veriut (482), Bjellorusia (472), Rumania (465) , Kazakistani (459), Peruja (447).

Sipas raportit, Shqipëria i ka vdekjet totale nga Covid-19 rreth 6 herë më shumë sesa deklarimet zyrtare, duke u renditur sërish ndër vendet që kanë normën më të ulët të deklarimeve zyrtare në raport me vdekjet totale, pas Bjellorusinë, dhe Azerbajxhanit. Në Maqedoninë e Veriut, raporti është 2, ndërsa në Mal të Zi është 1.4.

“Health Data” vlerëson se në mbarë globin, Covid-19 ka shkaktuar 6.9 milionë vdekje ose 2 herë më shumë sesa është deklaruar zyrtarisht deri tani. Vlerësimi bazohet në matjen e vdekjeve shtesë gjatë javëve pandemike krahasuar me atë që do të pritej bazuar në trendet dhe sezonalitetin e viteve të kaluara. Sidoqoftë, thotë raporti, niveli i vdekjeve shtesë nuk është i barabartë me totalin e vdekjeve COVID-19. Vdekshmëria e tepërt ndikohet nga gjashtë faktorë:

a) niveli i përgjithshëm i vdekjeve nga COVID-19, domethënë, të gjitha vdekjet që lidhen drejtpërdrejt me infeksionin COVID-19; b) rritja e vdekshmërisë për shkak të shtyrjes së kujdesit shëndetësor të nevojshëm gjatë pandemisë; c) rritja e vdekshmërisë për shkak të rritjes së çrregullimeve të shëndetit mendor përfshirë depresionin, përdorimin e shtuar të alkoolit dhe përdorimin e shtuar të opioideve; d) zvogëlimi i vdekshmërisë për shkak të uljes së lëndimeve si rrjedhojë e kufizimit të lëvizjeve; e) zvogëlimet e vdekshmërisë për shkak të transmetimit të zvogëluar të viruseve të tjerë, kryesisht të gripit, virusit të frymëmarrjes dhe fruthit; dhe f) zvogëlimet e vdekshmërisë kronike, të tilla si sëmundjet kardiovaskulare dhe sëmundjet kronike të frymëmarrjes, që ndodhin kur individët e dobët që do të kishin vdekur nga këto kushte vdiqën më shpejt si rrjedhojë e COVID-19.

Për të vlerësuar saktë vdekshmërinë totale të COVID-19, duhet të marrim parasysh të gjashtë këta nxitës të ndryshimit të vdekshmërisë që kanë ndodhur që nga fillimi i pandemisë”, thekson raporti.

Në vlerë absolute, shtetet me nivelin më të lartë të vdekjeve janë SHBA-të, me 912 mijë, të ndjekura nga India me 736.8 mijë, Meksika me 621.9 mijë, Brazili me 616.9 mijë dhe Rusia me 607.6 mijë.

Në Europë, kryeson Mbretëria e Bashkuar (210 mijë vdekje) e ndjekur nga Italia, me 178 mijë dhe Franca e Spanja me përkatësisht 134 dhe 124 mijë vdekje nga Covid-19. Më pas renditen Gjermania me 123 mijë dhe Rumania me 89 mijë.

Shtesa e vdekjeve në një vit pandemi sipas INSTAT, më shumë se 9300 persona

Edhe më herët, të dhënat kombëtare dhe ato të Eurostat për shtetet e Europës treguan se Shqipëria kishte rritjen më të lartë të vdekjeve në periudhën pandemike dhe ndër të parat në Europë për shtesën e fataliteve në raport me popullsinë, përveç atyre shteteve që edhe në vite normale kishin një normë të lartë vdekshmërie, si psh Bullgaria.

Sipas INSTAT, nga prilli 2020 deri në mars 2021, u shënuan rreth 9,300 vdekje shtesë në krahasim me periudhat përkatëse të vitit të mëparshëm, kur virusi nuk ishte i pranishëm. (për të njëjtën periudhë, zyrtarisht janë 2423 vdekje Covid). Gjatë kësaj periudhe 12 mujore (prill 2020-mars 2021) kanë humbur jetën rreth 31 mijë persona, nga 21.8 mijë persona në prill 2019-mars 2020, me një rritje prej rreth 42.7%.

Ndërsa nga të dhënat e krahasuara me Europën, rezulton se Shqipëria, e cila zgjodhi të zbatojë kufizime të rrepta vetëm në mars-maj 2020 ka përjetuar valën më fatale të pandemisë, me një rritje të numrit të vdekjeve me 38% për mars-dhjetor 2020, krahasuar me mesataren e të njëjtës periudhë 2016-2019, pasi janari dhe shkurti kishin shënuar tendencë rënëse.

Shqipëria ka një diferencë rreth 30% më të lartë për shtesën e vdekshmërisë në periudhën e pandemisë me të gjithë shtetet e tjera të Europës.

E njëjta tendencë vijoi dhe në muajt e parë të vitit 2021, ku Shqipëria pa një rritje shumë më të lartë të fataliteve, në raport me shtetet e tjera të Europës. tendencë vijoi dhe në muajt e parë të vitit 2021, ku Shqipëria pa një rritje shumë më të lartë të fataliteve, në raport me shtetet e tjera të Europës.