Përsëri në 24 orët e fundit asnjë i shtruar me Covid, mjeku Kalo: S’është momenti për të hapur shampanjë, por dalja nga pandemia po afrohet

Mjeku i njohur Tritan Kalo, këtë ditë e ka nisur me një lajm të mirë për të gjithë qytetarët shqiptarë, por edhe për shërbimin mjekësor. Sipas tij në 24 orët e fundit asnjë i infektuar me koronavirus nuk është paraqitur në spitalin Infektiv.

Pas këtij lajmi të mirë, mjeku Kalo përcolli edhe një mesazh për të gjithë ata që janë shprehur kundër vaksinimit të qytetarëve, apo atyre që shpesh herë direkt apo indirekt kanë hedhur baltë mbi punën e bluzave të bardha.

Po ashtu mjeku thekson se ende nuk jemi në kohën kur duhet të festojmë për faktin që s’kemi pasur të sëmurë të paraqitur në spital, sepse kemi ende rrugë përpara për të dalë nga tuneli i pandemisë. Por Kalo shton se dalja prej këtij tuneli më afër se kurrë.

Postimi i plotë:

Kohë kovidiane…. 10.05.2021…. Përsëri në 24 orët e fundit asnjë i shtruar në Covid-1/Shërbimin Infektiv të QSUNT….Ndërgjegjësimi, përkujdesja ndaj vetes dhe atyre që gjallojnë rreth nesh, MHD (Maskat, Higjena personale dhe kolektive, Distancimi fizik) dhe Vaksinimi në ritme të përshpejtuara, po na bëhen aleatë të fuqishëm në luftën tonë kundër armikut të padukshëm, “flamës mbarëbotërore” të Pandemisë nga virusi i Sars-Cov2/Covid-19….Lehaqenët dhe gojët koprolale kundër vaksimit,  vetëm ecuria pozitive e rasteve të pandemisë ua mbyll gojët…. NËSE për arësye të mos dijes, të mos dëshirës për jetën, të hatërmbetjeve politike yshteni të thoni ndoshta edhe ato që nuk i mendoni, SHOQËRISHT dhe PROFESIONALISHT JU LUTEM të mos na pengoni në misionin tonë fisnik e human të Mantelbardhit….Miq, kolegë e bashkëkombas, NUKU është ende momenti  për të hapur shishet e shampanjave e për të brohoritur FITORE!!!… Kemi ende udhë për të bërë në tynelin e Pandemisë, POR dalja prej tij po afrohet shpejt dhe kjo gjë na bën optimist e me flatra…. Ju duam, ju respektojmë dhe për asnjë dekikë nuku do ju mungojë Puna, Përkushtimi, Përkujdesja e Profesionalizmi ynë  në betejën tuaj për t’u përballur me armikun e padukshëm….Syhapur e mëndjekthjellët deri në rastin e fundit të infektimit nga Sars-Cov2/Covid-19….Javë sa më të mbarë….Together forever!!!

Kujtojmë e ky është 24-orësh i i dytë pa asnjë pacientë të infektuar që paraqitet në spital. Rreth dy ditë më parë këtë lajm të bukur e dha për herë të parë kryeministri Edi Rama.