Mjeku ORL në QSUT: Na ndihmoni ta mundim këtë virus!

Gazetare: Klevisa GJIKA

Mjeku ORL në QSUT, Klevis Thomai, jep një mesazh për të gjithë qytetarët në vend për situatën e krijuar nga COVID-19. Në një postim në rrjetin social facebook, përmes një videoje të tij të shpërndarë nga ministrja e Shëndetësisë ai tregon se puna e bluzave të bardha lidhet me veprimet e qytetarëve. Ai shprehet: “Vetëm ne mjekët, infermierët, spitalet nuk ia dalim dot. është virus që mundet nga të gjithë bashkë ne. Koha të respektojmë distancimin social, maskën, barriera prej tekstili.”

Përmes këtij mesazhi sensibilizues ai apelon për ndihmë për të mundur këtë virus.

”Koha të tregohemi të përgjegjshëm. Na ndihmoni ta mundim këtë virus.”

Mjeku ORL e mbyll mesazhin e tij duke kërkuar që të kthehemi sa më shpejt në normalitet dhe të takojmë njerëzit tanë të dashur si dikur.

Mesazhi i plotë:

“Jam Kevis Thomai mjeku O.R.L, në QSUT, dhe ndjej mesazhin për t’iu dhënë me një mesazh sensibilizues.Sepse bota po përballet aktualisht me një virus mjaft të rrezikshëm dhe vdekjeprurës. Koha të tregohemi të përgjegjshëm. Na ndihmoni ta mundim këtë virus. Vetëm ne mjekët, infermierët, spitalet nuk ia dalim dot. është virus që mundet nga të gjithë bashkë ne. Koha të respektojmë distancimin social, maskën, barriera prej tekstili. Të kemi kujdes në zyra, mos neglizhojmë. Një person mund të ruaje veten, por është e kotë nëse nuk e bëjnë të tjerët. Lufto virusin me të gjithë ne. Të kthehemi sa më shpejt në normalitet dhe të takojmë njerëzit e dashur. ”