Staf i ri në QSUT, përgatitje për hapjen e spitalit COVID – 3

Gazetare: Klevisa GJIKA

Vijon puna e Ministrisë së Shëndetësisë për marrjen nën kontroll të shtimit të rasteve pozitive me koronavirus në vend. Ditën e sotme, ministrja e Shëndetësisë, Ogerta Manastirliu inspektoi struktura e ish-kirurgjive në QSUT ose spitalin në përgatitje COVID – 3, ku bëri me dije se një pjesë e stafit po merr përvojën e duhur në spitalin infektiv, në mënyrë që spitali numër 3 për COVID – 19 të ketë stfin e duhur mjekësor.

Krahas kësaj, Manastirliu deklaroi se ka një strategji të qartë për eçurinë e virusit në periudhën vjeshtë – dimër.

“Kemi një strategji të detajuar në raport me situatën që presim, pra për situatën e vjeshtë-dimrit. Dhe plani i detajuar, parashikon disa komponentë të rëndësishëm dhe fuqizimin e tyre. Duke filluar nga testimi, duke vijuar nga kapaçitetet spitalore, duke vazhduar tek burimet njerëzore, të çilat janë aseti ynë më i çmuar. Ndaj jemi duke mundësuar që skuadrat e mjekëve dhe infermierëve të jenë të gatshëm që në momentin që do të duhet, t’I kemi gati dhe të jenë të trajnuar”.

Më tej, ministrja e Shëndetësisë kërkoi bashkëpunim nga qytetarët që situata të mos agravojë: “Kërkojmë bashkëpunimin e qytetarëve për të bërë kujdes në përditshmeri me 3 masa të thjeshta: mbajtja e maskës, distança dhe higjiena personale, të vetmet armë që kemi në dorë për ta luftuar këtë virus”.