Blerta Brati: Për sa kohë duhet të vetë-izoloheni nëse keni simptoma të covid-19 ose keni një test pozitiv?

Vetëizolimi është hapi i parë që secili duhert të ndërmarrë pas testit të COVID-19 që rezulton pozitiv. Por sa kohë duhet të karantinohemi?

Ja informacionet që përcjell Blerta Brati, mikrobiologe pranë ISHP, referuar gazetës së njohur amerikane JAMA:

“E dimë se një person me covid-19 është ngjitës edhe para se testi PCR të jetë pozitiv dhe testi PCR mbetet pozitiv për disa kohë pasi të ndaloni së qeni ngjitës. Sa i përket antitrupave, ato nuk bëhen të zbulueshme në gjak deri rreth dy javë pas shfaqjes së simptomave, falë testit serologjik.

Ky është një studim i botuar në internet në maj nga revista JAMA (Journal of the American Medical Association) e cila ofron pasqyrën më të mirë të gjendjes së njohurive mbi këtë temë, të konfirmuar nga studimet e kryera që nga ajo kohë.

Me pak fjalë, një person së pari është i ekspozuar ndaj virusit. Pas një faze inkubacioni prej rreth 5 ditësh, shfaqen simptomat e para – përveç një në dy persona, tek të cilët kovid-19 është asimptomatik. Në këtë pikë, një test PCR (më saktë i quajtur test molekular ose virologjik) do të tregojë praninë e koronavirusit Sars-cov-2 në një kampion nazofaringeal të marrë nga hunda. Testi zbulon materialin gjenetik viral, ARN-në e tij.

Por kini kujdes: do të kalojnë rreth dy ditë pasi personi është tashmë ngjitës. Me fjalë të tjera, edhe para se të shfaqen simptomat, dikush mund të transmetojë virusin edhe pse testi i tyre është negativ. Për të qenë i sigurt se nuk jeni bartës i virusit, një test i dytë duhet të kryhet disa ditë më vonë.

Infektimi ndalet, testi PCR mbetet pozitiv

Sa zgjat ngjitja? Në fakt, një javë deri në dhjetë ditë pas simptomave të para (kollë, ethe, vështirësi në frymëmarrje …) personi i sëmurë nuk është më ngjitës. Por testi virologjik (PCR) mund të mbetet pozitiv. Eshtë e qartë, testi ende mund të gjejë materialin gjenetik të virusit në hundë, por kjo nuk do të thotë që personi ka një virus aktiv që mund të infektojë dikë tjetër.

Sa i përket antitrupave, ato bëhen të zbulueshme në gjak (testi serologjik) rreth dy javë pas shfaqjes së simptomave: në këtë kohë, sëmundja e koronavirusit nuk mund të transmetohet më. Ky test ndihmon të dihet nëse infeksioni është i fundit, sepse imunoglobulinat IgM bien shpejt, ndërsa IgG ruhet për një kohë më të gjatë. Një nivel i lartë i këtyre dy klasave të antitrupave tregon për një infeksion të kohëve të fundit; një nivel i lartë i IgG pa IgM, i cili ndodhi rreth një muaj më parë.

Por a prodhojnë të gjithë antitrupa pas infektimit? 

Pothuajse ne një studim te ri në Islandë mbi më shumë se 1,200 njerëz konfirmon se 91% e njerëzve që kanë pasur SARS-Cov-2 zhvillojnë antitrupa të zbulueshëm.”