Ministria e Shëndetësisë ka reaguar pas lajmit për vdekjen e mjekut pneumolog, Anibal Byberi si pasojë e koronavirusit. Ministria thotë se, mjeku 53-vjeçar, me origjinë nga Tropoja u konfirmua pozitiv me virus pak ditë më parë dhe vijonte trajtimin në banesë. Por kur iu përkeqësua gjendja, e shtruan në spitalin “Shefqet Ndroqi” ku dhe u intubua.
Sipas Ministrisë, mjeku nuk mundi të mbijetojë si pasojë e insuficiencës së rëndë respiratore. Byberi vuante nga psoriasis, një sëmundje lëkure dhe obeziteti.
“Pas rëndimit të gjendjes shëndetësore, mjeku Byberi është paraqitur në Urgjencën e Spitalit Universitar “Shefqet Ndroqi”, ku pavarësisht ndihmës së menjëhershme të ofruar nga stafi mjekësor, fatkeqësisht nuk ka mundur të mbijetojë si pasojë e insuficencës së rëndë respiratore. Pas shumë vitesh punë në vendlindjen e tij, ka punuar për disa kohë si mjek në burgun 302, ndërsa aktualisht nuk ishte në punë, ndërsa këto ditë do të konkuronte në portalin “Mjekë për Shqipërinë”, thuhet në reagimin e Ministrisë./Dritare.net
No comments:
Post a Comment